Auleria Wakudumo
Opolifi moshitukulwa shaMusati oya patulula oshibofa omo omukulupe weedula 67 ta fekelwa a kwata onghonga ovatekulu vaye voumati vavali. Okaana kamwe oke na eedula nhatu, omanga kakwao ke na eedula nhano.
Omupedukomufala wopolisi moshitopolwa shaMusati Moses Simaho okwa ti oshinigwanima eshi osha ningwa momukunda Ongatudhiya moshitukulwa shaMusati. Otaku hokololwa kutya omukulupe ou okwa kala vati nokukwata ounona keenghono oikando ihapu. Opolifi oya lopotelwa oshiningwanima sha tya ngaha kuina younona wavo.
Omufekelwa ina mangwa po natango, nomakonakono opolifi otaa twikile.
Natango moshitopolwa shaMusati omwa lopotwa okaana keedula heyali kokakadona vati ka kwatwa onghonga kuwalye pefimbo ka li taka di kofikola oshivike sha dja ko momukunda Oluthalomwaama. Simaho okwa ti oshiningwanima eshi osha ningwa mEtivali 16 July 2024, po 14h00 moshikandjohololo shaGongo, moshitopplwa shaMusati.
Otaku hokololwa kutya nakukwata okaana onghonga okwa hanga taka ende okudja kofikola oko akeke. Omukwatinghonga okwa ulikila nokumbadapalifa okaana nombele noku ka kwata keenghono.
Omukwatinghonga ke shiivike, ina mangwa po natango nomakonaakono opolifi otaa twikile.
Moshibofa sha yooloka, omukainhu weedula 46 naye okwa ninga oshihakanwa shekwato keenghono. Omukainhu ou vati okwa kwatwa onghonga komulumenhu weedula 27 konima yokunwa pamwe kokandingosho kopomudingonoko.
Oshiningwanima osha ningwa mOlomakaya omafiku 20 Juli 2024 po02h30 lwaapo, molukanda laTallismanus, moshikandjo Otjombinde.
Otaku hokololwa kutya omukulukadi konima yokunwa, okwa ya keumbo a ka nangale nokaana kaye keedula hetatu. Ashike meemhofi okwa penduka mo eshi a uda ta kwatwa onghonga. Mokupatulula omesho aye, okwa dimbulula omulumenhu ou vali tava denge omangadja naye. Omulumenhu okwa faduka po eshi a mona kutya omukulukadi okwa penduka nokwe mu mona. Omufekelwa okwa mangwa po, okwa holoka mOmhanguliklo yaMangestalata moGobabis onghela. Omakonaakona opolifi otaa twikile. -wakudumoauleria@gmail.com