Auleria Wakudumo
Omukainhu weedula 31 okwa kwatwa onghonga vati komulumenhu ehe shiivike manga kwali tadi kongeleka ili mOngwediva.
Omukulunhu koshikondo shokukonaakona oimbuluma mOshana, Deputy Commissioner Frederick Ndjadila okwa ti oshiningwanima eshi osha ningilwa potundi 21h00 komukunda Omatando, mOngwediva.
Omukainhu okwa lopotwa ali tadi kongeleka yedina DSCOAN mOngwediva eshi a lefa otaxi a uka kOshakati.
Omushingi vati okwa lombwela omukainhu kutya otaka pitula ovatwaalelwa vamwe vavali kOmatando. Omukonenenwa okwa shinga fiyo omoixwa, ndele ta tula otuwa nokulombwela omukainhu kutya kali taka pitula ovatwaalelwa shili, okwa hala vati okupopya nomukainhu nokumutwala konhele yaye.
“Omukainhu okwa pula omutamanekwa ngeenge okumushi, ashike okwa yambuka po ashike poshipundi nokuya konima oko omukainhu ali omutumba. Okwa lombwela omukainhu kutya ina kuwa ote mu tu nombele nombele ngeenge okwa hetekele okukuwa vati,” Ndjadila ta ti.
Ndjadila okwa twikila ta ti konima eshi omukonenenwa a longa ouxwapindi ou, okwa lombwela omukainhu a djemo motuwa yaye.
Ndjadila okwa kunghilila oshiwana shi kale sha kotoka mokweenda oufiku. Okwa indila eengeleka di shunife eevili doilonga pedu, opo diha dimbuke oufiku. “Ovapolifi oveli lepo okuameno oshiwana ashike itava dulu okukala peenhele adishe efimbo keshe, onghene eengeleka nadi tule eameno lovanhu vado komesho,” Ndjadila ta ti.