Auleria Wakudumo
Omulumenhu weedula 55 okwe li kufa omwenyo, konima eshi a monifa oshiponga omukainhu waye nokaana kavo kokakadona komido 13.
Oshiningwanima osha ningilwa molukanda Telecom mOtjiwarongo moshitukulwa shaTjozondjupa, sha ningwa Osoondaxa lwopo 02h20.
Opolifi oya hokolola tai ti omulumenhu okwa ponokela nokudenga omukainhu waye noshixupulo, nokonima okwa kendabala okumutwa vati nombele.
Omanga ta kendabala okutwa omukainhu, okamonakadona oka ya pokati kavo, ta kendabala okukufa ko ina.
Okaana vati oka tetwa keenyala pefimbo kwa li ta ka kelele xe oo a faduka po noku kelimangeleka konima yaasho.
Otaku hokololwa olutu laye leli tuwa komushingi wotaxi molukanda lavo.
Omukulukadi nomona ovali va twalwa koshipangelo shepangelo koTjiwarongo nokaana oka lekelwa nale nokuli omanga ina a tuminwa koshipangelo shaWindhoek aka mone epango la wedwa po.
Ota ku hokololwa omukainhu eli monghalo ii.