Opolifi moshitukulwa shaShana otai konakona efyo lomulumenhu weedula 39 vati a xulifa konima eshi a lika koshinamwenyo shihe shivike.
Otaku hokololwa omulumenhu ou a li a muKotoba peumbo laye lili modoolopa yaNdangwa efimbo loufiku noku xulifa pexulilo laNovemba. Nakufya okwa tongolwa oye Andreas Iitana omukalimo womOndangwa.
Omukulunhu wopolifi moshitukulwa shaShana, Commissioner Naftal Sakaria okwa hokolola ta ti meumbo laIitana vati omwe uya oshinamwenyo shihe shivike ndele ta shi li ombwa yaye. Okudja opo omulumenhu ou okwa penduka nokonima okwa nukilwa nokunyawa moshipala keima olo. Ota ku hokololwa kutya Iitana okwa li ka keisho a ninga oshipute. Opolifi oya hokolola tai ti momafiku 23 omwedi wa djako Iitana okwa tameka a nyika ounghundi.
Okwa ya koshipangelo shaNandjokwe opo aka konge epango lopaunamiti ashike okwa twikila nokukala a nyika ounghundi.
Momafiku 25 Novemba omulumenhu ou okwa ya koshipangelo shaShakati noku xulifa efiku olo.
Opolifi oya yelifa tai ti fiyo opapa ka pena ouyelele kutya Iitana okwa lika koshike onghee olutu laye ota li ningilwa omakonakono.
fhamalwa@nepc.com.na
Caption: A xulifa… Omulumenhu vati a lika keima lihe shivike