Omulumenhu weedula 29 ou kwa li ta shingi otuwa ehe na omukanda okwa faduka po molwaashi a mona opolifi ndele ta ka hondama mondobe yomeva. 

Oshiningwaninga osha ningwa Etivali kOutapi efimbo lomutenya. 

Omukulunhu wopolifi moshitukulwa Commissioner Ismael Basson okwa hokolola ta ti omulumenhu ou okwa mona opolifi ya ninga einda komesho aye pefimbo kwa li ta shingi otuwa. 

Omufekelwa okwa fiya po otuwa yaye ndele ta i mondobe yomeva. 

Otaku hokololwa kutya omulumenhu ou okwa landulwa kopolifi ashike kakwa li a hala okudja mo momeva. 

Omufekelwa okwa li kuufanwa kopolifi ashike kemanya ku dja ondwi. 

Ovanambelewa yopolifi ova dula ko eenghaku ndele tava i momeva. 

Omufekelwa okwa twalwa koshitaashi shopolifi nokwa holoka momhangu yaUtapi onghela. 

Okwa pewa omhito yokulifutila mo modolongo noshimaliwa sheeN$2000. 

Basson okwa hokolola ta ti omufekelwa ou oha shingi shito otuwa lwoikando ya yooloka ehe na omukanda. 

“Okuhole okufaduka po opolifi alushe ngeenge ta shingi molwaashi ke na sha omukanda,” ta ti.-fhamalwa@nepc.com.na