Omulumenhu weedula 46 okwa fya konima eshi vati a lyatwa kotuwa oyo kwa li tai shingwa komushingi a faduka po
Oshiningwanima osha ningwa mondjila inene i li pokati kOkongo noMpungu momukunda Mpoto Mutara moshitukulwa shaKavango West kuyele oshivike eshi
Nakufya okwa tongololwa oye Julius Nairenge omukalimo womukunda Mpoto Mutara.
Omupopiliko wopolifi moNamibia Omupedukomufala Kauna Shikwambi okwa hokolola ta ti Nairenge okwa hangika ta tauluka opate pefimbo loshiningwanima.
Opolifi oya hokolola tai ti Nairenge opo a xulifila ponhele opo nokonima omushingi wotuwa okwa faduka po.
Onghee fiyo opapa kape na ouyelele kombinga yomufekelwa, neenomola dotuwa yaye inadi kufwa ko molwaashi oshiponga osha ningwa kwa laula, noponhele opo inapa hangika omalinyengo ovanhu.
Oshiwana otashi kukghililwa opo shi xulife po okufaduka po ngeenge sha eta oiponga molwaashi omunhu ota dulu okueta natango oshiponga mopate pefimbo ta shishingilile.
Oshiningwanima shikwao, opolifi moshitukulwa shaMusati otai konakona oshibofa shomukulupe ou vati a vaka po oshikombo shamushiinda shaye nokufaduka po.
Oshiningwanima osha ningwa Omaandaxa komukunda Ovikange moshikandjohoololo shaRuacana.
Opolifi oya ti fiyo opapa kape na ouyelele kutya omufekelwa oku li peni nomakonakono otaa twikile.
– fhamalwa@nepc.com.na