Omulumentu gwomimvo 30, okwa mangwa niimaliwa koomuma yoN$59 000 oshowo omandini gomahooli geli 79 guudha.
Omugandji gomauyelele gwopolisi moshitopolwa shaShana Frieda Shikole okwa ti, oshinigwanima osha holoka molukanda Uupindi mOshakati.
Otaku hokololwa kutya omulumentu ngoka a tseyika nawa ha landitha omahooli gangungula mOshakati, okwa adhika niimaliwa koomuma nomandini gomahooli pehala tali ithanwa Ehawalo.
Shikole okwa ti, omulumentu ngoka inaadhika nomukanda wemu pa uuthemba gwokulanditha omahooli moshilongo.
Ta ti, omahooli ga ngungula onkene taga tsikile okulandithwa moshitopolwa shaShana nonando opolisi tayi kumagidha oshigwana shi hulithe po okushininga.
Ta kumagidha oshigwana shi tsitsikile okulopotela opolisi o po mboka taya ikuthile ooveta ya mangwe po.
Oshiwike sha zi ooyene yo yomahooli moNamibia oya li ya nyenyeta okupitila miikundaneki ya yooloka nkene omahooli ga ngungula taga dhipaga po oongeshefa dhawo.
Taya ti, aakalimo yokiitopolwa yokonooli oyendji pootenga dhomahooli kayeshi po we oshoka oya landula ashike mpoka ta pu landithwa ngungula.
Omupopiliko gwopolisi moshitopolwa shaShana Naftal Lungameni Sakaria okwa kala noku kunkilila oshigwina shi hulithe po okulanditha omahooli taga zi po shi shiinda longo Angola.
“Opolisi yaShana oya ilogekidha ethimbo alihe okumanga po kehe ngoka itaa landula ooveta nomalandulathano gopolisi, onkene otandi iindile
oshigwana shi longele kumwe nopolisi okulwiitha shaa shoka shaali mondjila,’’ ta indile ngaaka.