Omunamimvo 17 okwa mangwa po kopolisi sho anuwa a kwata omukwakuluntu koonkondo, omanga a li ta ende u uka kegumbo.
Sha ikolela kepeko lyopolisi lyiiningwanimaya ya holoka mehuliloshiwike, oshiningwanima shoka osha holoka momukunda Iikekele
mEtitano.
Otaku hokololwa kutya okamati hoka okwa li ka ziilile omukulukadhi ngoka e na ko ashike omimvo ndatu okuya mo penzela konima noku mu hata po, e te mu kwata koonkondo.
Opolisi oya popi kutya okamati hoka oka li ka zala evuuvuu koshipala, okukanitha iinkoti, opo kaaka ndhimbululwe.
Otaku hokololwa kutya shoka kakwa li sha kwatha sha oshoka opolisi oya li ya adha okamati hoka nokandjato komulukadhi ngoka.
Tayi ti, omukulukadhi ngoka okwa li a ethiwa ashike sho a li a kugu, naashiinda okwa li ya tondoka onkugo ndjoka, nokamatyona oka matuka po, omanga aashiinda inaaya thika.
Moshiningwanima inaashi faathana, olutu lwomulumentu gwedhina Johannes Mutirua okwa li lwa adhika kolukanda Epako moshotopolwa Omaheke, lwa tsuwagulwa noshinima kaashi shiwike.
Sha ikolelela kopolisi, kape na uuyelele kutya Mutirua okwa dhipagwa kulye.
Tayi ti, olutu lwe, okwa li lwa adhika lwa tsuwa noshinima sha honga, ihe kashi shiwike.
Natango omusamane gomukwakuluntu okwa li a adhika a sa metoto lyiiyagaya koRundu.
Opolisi oya ti, omakonakono opo ge li metifa, okukonakona shoka sha eta eso lyomusamane ngoka.
– vkaapanda@nepc.com.na