ONGWEDIVA – Omulumenhu weedula 32 okwa tambulilwa moshipangelo shaShakati konima eshi vati a yashwa nondjebo mokuulu komukeleli womaliko shaashi kwa li a hala okuya nomakende eebiila a dja mondingosho.
Oshiningwanima osha ningwa mexuliloshivike pondingosho Omotuli i li mOngwediva moshitukulwa shaShana efimbo loufiku.
Omupopiliko wopolifi moshitukulwa shaShana Inspector Frieda Shikole okwa hokolola ta ti omukeleli womaliko nomulumehu oo ova tameka okutanguna eshi ta lombwelwa kutya ina ya nomakende eebiila.
Opolifi oya hokolola tai ti nakuninga oshihakanwa okwa landa eebiila mbali nokudja opo okwa hala okuya keumbo nomakende.
Omukeleli womaliko okwa twikila te mu lombwele kutya kape na omunhu a pitikwa okudja mondingosho nomakende ta i keumbo.
Otaku hokololwa kutya omukeleli womaliko weedula 52 okwa umba odjebo ndele ta yashe omulumenhu ou mokuulu lwoikando ivali.
Omukuleli womaliko okwa kwatwa po nota pangulilwa oshibofa shonghendabala yedipawo.
Ota holoka nena momhangu yamengestalata waShakati.