Auleria Wakudumo 

Okakadona keedula 21 oka xupifwa kovakwashiwana eshi hanga ka kwatwe onghonga kovamati vatatu. Umwe omukwashiwana waAngola, navavali Ovanamibia. Oshingwanima osha ningwa Omaandaxa lwopo 00h30, sha ningilwa molukanda Donkerhoek, Khorixas moshitukulwa shaKunene. 

Oshiningwanima osha kolekwa kuChief Inspector, Harry Hoaeb. Hoaeb okwa ti ovafekelwa vatatu ova kwata nokushilila nakuninga oshihakanwa momulamba u li popepi nolukanda nelalakano opo ve mu kwate keenghono. 

Umwe womovakwashiwana vati okwa pendulwa mo keenghuwo dokakadona, nokupendula omonamati opo va ka tale kutya oshike tashi kuu. Mokufika pomulamba, ova mona vati ovamati vatatu tava kendabala okukwata okakadona keenghono omanga umwe e ka kwete komulungu. 

Ovafekelwa ova faduka po moku va mona, ashike pefimbo opo ovakwashiwana vahapu navo vati ova penduka, ndele tava te ovafekelwa nokukwata po umwe. 

Ovafekelwa aveshe ova kwatwa nove li modolongo. 

-wakudumoauleria@gmail.com