Opolifi moshitukulwa shaKunene otai konakona oshibofa shomahepeko omomaumbo omo okaana kokakadona keedula mbali vati haka dengaulwa kuina mumwaina waina oo e li omutekuli wako.
Oshingingwanima osha ningwa omwedi wa dja ko ashike oshibofa osha patululwa Etitatu oshivike eshi koKhorixas.
Otaku hokololwa kutya okaana oka ningilwa omahepeko omomaumbo lwoikando ya yooloka.
Omukulunhu koshikondo shokukonakona oimbuluma moshitukulwa shaKunene, omupedu Commissioner Paavo Iiyambo okwa hokolola ta ti okaana oka dengwa noshiti komufekelwa.
Opolifi oya hokolola tai ti ouyelele owe uya kombada pefimbo ina yookana kwa li a ka talela po keumbo oko haku di okaana kaye.
Okudja opo vati okwa pula kutya omolwashike omona a dinda nokonima okaana oka lombwela ina kutya ohaka dengwa komufekelwa.
Opolifi oya ti okaana keumbo oko oka tembulwa ko paife.
Omufekelwa ina kwatwa po ashike ota ningilwa omakonakono kopolifi.
fhamalwa@nepc.com.na