Opolisi moshitopolwa Omaheke oya lopota eso lyomulumentu gwomimvo 33 gwedhina Ashley Eiseb ngoka a si konima a yahwa komuhingi gololi, sho kwa li anuwa ta ka mbandhala okumuyuga omanga a kotha.
Opolisi oya ti oshiningwanima osha holoka momundhingoloko Gobabis mehuliloshiwike.
Otaku hokololwa kutya aalumentu yatatu oya li taya kambadhala okuyuga omuhingi gololi ngoka a li a kotha. Aahingi yoololi oya kala nokunyenyeta okupitila miikundaneki ya yooloka kutya oya taalela uupyakadhi wokuponokelwa kaafuthi. Taya ti unene iiningwanima yi li ngaaka oya kala hayi ningwa koSouth Africa hoka ololi ayihe hayi vulu okuyugwa ko. Oomwedhi ndatu dha pita omulumentu gwomimvo dhopokati okwa li a yugwa ololi e ta thigwa mombuga moka a li aningi omasiku gaali, ihe sigo onena inayi monika koSouth Africa.