Omulumentu gwomimvo 28, okwa si eso lyombaandhilila sho anuwa a kwatwa po nokudhipagwa kolwaadhi.
Shika osha ningwa Omaandaha lwopotundi 14h00 momukunda Onalusheshete momundhingoloko gwaNehale Lyampingana.
Omukuluntu gwopolisi moshitopolwa shaShikoto Teopolina Nashikaku-Kalompo okwa koleke oshinima shika.
Otaku hokololwa kutya, omulumentu ngoka a li omuniilonga gwomegumbo, okwa li ayi puushinda, mphoka a li a ka tjaatjela ongondhi ye.
Anuwa omulumentu ngoka okwa li a tegelela ongondhi ye yuudhe omulilo omanga a kuutumba kohi yo muti, guli megumbo.
Ohaluka okwa yandwa kolwaadhi no ku sa ethimbo olyo tuu ndyoka.
Nakusa okwa tseyike nedhina Ndakondele Lineekela.
Omvula oya li ya loko okuza oshiwike sha ziko, sigo omehuulilo shiwike.
Omagumbo gamwe miitopolwa yokonooli oshowo omiti okwa li dha hanagulwa kombepo ndyoka yali yeendele pamwe nomvula.
Opolisi oya kumagidha oshigwana shi shi longithe wo ontseyo yoku yopamuthigululwakalo oku igamena ngele omvula tayi loko.
Okwa gandja oshi holelwa kutya, aantu ihaya koongolola iimuna oshowo egama momiti omvula tayi loko.
Moshiningwanima inaashifaathana omulumentu gwomimvo 32 okwa li itsuwa a sa moombuli dho ndunda ye yoku lala.
Oshiningwanima shoka anuwa osha holoka momukunda Onakiidhi momundhingoloko gwOlukonda, moshitopolwa shaShikoto.
Otaku hokololwa kutya nakusa a tseyika nendhina Samuel Andjendja ka kwali ashanga kutya oshike iikutha omwenyo.
Shoka osha holoka ashike omasiku omashona sho omulumentu omunamimvo 34 Lukas Shilombweleni ikutha omwenyo konima yoontamanana nomukiintu gwe.
Uuyelele wa gandjwa ku gumwe gomaakwanezimo ye, Shilombweleni okwa imangeleke noomiya dhoongaku eshi ningile molukanda Oneshila lu li mOshakati.
Oshiningwanima shika osha ningwa meehulilo shiwike.
Omulumentu nguka anuwa okwa imangeleke konima yomasiku sho a li a monika ta nyeyeta nomukiintu e li na kuume ke kopaihole puundingosho womolukanda lwawo.
Naye ina thiga po oshinyolwa a popya kutya okwa ikuthila shike omwenyo.
Aakwanezimo ye oya tseyithilwa, nomakonaakono gopolisi moshiningwanima moka otaga tsikile.
vkaapanda@nepc.com.na