Omulumenhu weedula 41 okwa monifa okatekulu oshiponga, ina osho yo mumwainakadona eshi vati e va twa nombele nokonima yefimbo okwe limangeleka. 

Oshiningwanima osha ningwa Omaandaxa komukunda Onandomba meumbo lavo noshitukulwa shaShana efimbo lokomatango. 

Nakufya okwa tongololwa oye Vaendwanawa Eino Teopherus Omukalimo womukunda Onandomba. 

Omukulunhu wopolifi moshitukulwa shaShana, Commissioner Naftal Sakaria okwa koleka oshiningwanima eshi. 

Opolifi oya hokolola tai ti omulumenhu ou okwa li tete tava tanguna nokatekulu kaye kokakadona eshi va pewa oN$40-00. 

Otaku hokololwa kutya ova pewa eeN$40-00 ve litopolele konima eshi va pewa kumushiinda shavo shaashi ve mu kwafela okulonga ko mepya. 

Opolifi oya hokolola tai ti okudja opo omulumenhu ou ova tameka okulidenga nokatekulu. 

Umwe womumwainakadona osho yo ina ova endelela okuya olwoodi lavo pokati. 

Opolifi oya hokolola tai ti omulumenhu ou vati okwa kufa ombele yokapi ndele ta tu ina, omumwainakadona osho yo okatekulu. 

Okwa faduka po konima eshi a longa oshimbuluma. 

Konima yefimbo okwe lituwa e li meemhango mekove lambulavo. 

Oonakuninga oihakanwa ova twalwa koshipangelo. 

-fhamalwa@nepc.com.na