Auleria Wakudumo 

Omumati weedula 24 vati okwa unganeka vakwao vatatu opo va kwate keenghono omukainhu weedula 41 oo vadi e na naye ekwatafano lopaihole. 

Oshiningwanima eshi osha ningilwa molukanda Okapashu mEenhana, sha ningwa oufiku wOsoondaxa. 

Omukulunhu oshikondo shoimbuluma moshitukulwa shaHangwena Melanie Mburuu okwa koleka oshiningwanima eshi. 

Otakuhokololwavatinakuningwaoshihakanwa vadja poukamba nomulumenhu oo kaume kaye kopaihole fiyo okeumbo lavo. 

“Eshi veli meumbo, omumati vati okwa ifana vakwao vatatu meumbo lanakuningwa oshihakanwa nokuva lombwela va kwate vati omukainhu waye keenghono,” Mburuu ta ti. 

Otaku hokololwa ovamati ava va kwata nakuningwa oshihakanwa komaulu nokomaoko ndele tave mu longele oushada wopaixulo. 

Mburuu okwa holola ta ti eshi va mana okukwata omukainhu keenghono, ovafekelwa ova undulila nakuningwa oshihakanwa pondje ndele tave mu denge neengonyo nokumufanga nomaluna olutu alishe. 

Ovafekelwa vavali, mwa kwatelwa omumati wanakuningwa oshihakanwa oshoyo mukwao weedula 16 ova tulwa moipandeko. 

Opolifi otai twikile nokukonga ovamati vakwao vavali ovo inava tulwa natango moipandeko eshi va faduka po. 

-wakudumoauleria@gmail.com