Auleria Wakudumo
Omulumenhu weedula 21 okwa xulifa eshi vati a wila mondobe yomeva popepi noukamba hava ifanwa Oshandumbala opo vali tava nhu vati omalodu navakwao moshitopolwa shaHangwena.
Oshiningwanima osha ningilwa momukunda Ongonga moshitukulwa shaHangwena, Etitano nolutu ola monika lwopo 09h40.
Edi oda kolekwa ku komufala wopolifi moshitukulwa shaHangwena Commissioner Elizabeth Sibolile.
Sibolile okwa holola ta ti vati olutu lanakufya oleli tuwa mondobe ili popepi noukamba Oshandumbala opo ali a monika lwa xuuninwa ta nhu vati omalodu navakwao.
Oshivike sha djako, elenga loshitunda shUukolonkadhi, Tatekulu Malakia Shoombe okwa kunghilila ovanhu ovo hava tokelwa koundingosho opo va xulife po eekamba domaufiku pefimbo lodula shaashi ohadi eta vati omafyo oipundjamenye.
Shoombe okwa indila yo oshiwana shi xulife po okutauluka omeva koshi yodungo.
“Okutauluka omeva omanga omunhu e li koshi yodungo osha nyika oshiponga shaashi oto dulu okudimbwa apa hapa taulukilwa ile u ye ngaho nometale lomeva,” Shoombe ta ti.
Ovakwashiwana ova indilwa va ende moungudu veli kwata meenyala ngeenge tava tauluka omeva unene poima apa pale.
Ovakwashiwana ova pulwa yo opo va findikile vakwao okudja poundingosho ouna wa mona kutya mukweni okwa wanifa notaka tauluka omeva okuya keumbo.