Auleria Wakudumo
Omunhu umwe okwa xulifa eshi a kwatwa koluvadi omanga vakwao vavali va xupa.
Oshiningwanima osha ningilwa komukunda Muyaruka moshikandjohololo shaKongola, moshitukulwa shaZambezi sha ningwa Olomakaya lwopo 15h30.
Nakufya okwa tongololwa oye Musipili Ktembo, oo e li omukwashiwana waZambia.
Eshi osha kolekwa komupopiliko wopolifi, Deputy Commissioner Kauna Shikwambi.
Otaku hokololwa Ktembo ali a etwaalela vakwao omeva omanga veli koshi yomuti eshi odula tai nyanyangile.
Ktembo otaku hokololwa a tula omeva pedu nomokupilamena ko, oluvadi ola kwata aveshe vatatu.
Ktembo okwa xulifila poshiningwanima navakwao otaku hokololwa va mona oshiponga nai notava mono ouhaku wa wedwa po moshipangelo.