Omulumenhu weedula 48 womomukunda Oukango waShindjala moshitukulwa shaHangwena okwa kwatwa po Etitatu eshi a yasha mumwaina nondjebo.
Omupopiliko wopolifi moshitukulwa shaHangwena Inspector Kaume Itumba okwa hokolola ta ti ovalumenhu okwa li tava tanguna konima eshi nakuninga oshihakanwa a hanga omufekelwa ta shingi eengobe edi yukifa keumbo limwe lovakwapata vavo.
Okudja opo ovalumenhu ova tameka tava tanguna tava kondjele eengobe odo deenhani dokupulula. Konima omufekelwa okwa umba ondjebo ndele ta yashe mumwaina mepepe lokolumosho. Opolifi oya ti nakuninga yashwa okwa twalwa koshipangelo shaNandjokwe opo a ka mone epango lopaunamiti lomeendelelo shaashi okwa li a ehamekwa.
Omufekelwa otaka hokoloka momhangu yamengestalata waEenhana nena nomakonakono opolifi otaa twikile.
– fhamalwa@nepc.com.na