Okwa monika kutya omukithi gwo-HIV ogwa shuna pevi mokati kaakiintu ye na ombuto yo-HIV moNamibia. Ndhika odha li dha thamunwa komukuluntuwiliki muuministeli wuuhaku nonkalonawa Ben Nangombe.
Momumvo 2002, omwaalu gwaakiintu yi ihumbata ye na ombuto yo-HIV ogwa li gwa konda oopelesenda 22, ashike momumvo 2022, ogwa shuna pohi noopelesenda 14, Nangombe uuyelele mboka okwa li e wu pititha oshiwike sha za ko sho a li ta popitha omunambelewakwatakanithi gwoUnited States Global AIDS Coordinator, Ambasanda John Nkengasong oshiwike sha za ko kombinga yuuwanawa woprograma yuundjolowele yaAmerica yedhina US President’s Emergency Plan for AIDS Relief (PEPFAR).
“Omayakulo gokugandja o-ART kaakiintu ya ihumbata ye na ombuto yo-HIV osho wo mboka taya yamutha oga kala pombanda yoopelesenda 98. Omayakulo ngaka oga shunitha wo pevi ompito yokugandja omukithi ngoka komuntu a landula ko,” Nangombe ta ti ngaaka.
Omolwiizemo yuuwanawa mboka wegandjo lyomiti, etaambathano lyombuto okuza kuyina okuya komona oly shuna pohi lela. Momumvo 2010, etaambathano ndyoka olya li poopelesenda 13,72, ashike okuthika mo2012, olya ya pevi, lyi li poopelesenda 4,14.
Nangombe ta dhenge omuthindo kutya shika otashi ulike egwopevi lyoopelesenda 70 metaambathano pokati kayina nokanona. Dr Nkengasong okwa ti PEPFAR otayi kwathelwa keyambulepo. Oshiwike sha za ko, Nkengasong okwa li a ningi omutumba moka mwa li ominista yuuhaku Kalumbi Shangula opo ku dhimbulukwe etaambo lyoomvula 18 dho-Pepfar lyoomvula 18 moNamibia, noomvula 20 dho ya taambwa ko oshikando shotango muuyuni.
Shangula okwa li a pupila Namibia komugongo sho a shunitha etaandelo lyombuto yo-HIV/AIDS pevi, nokuniwe etimaumbwile kutya Namibia ota ka hulitha po omukithi nguka okuthi nguka onga ekomba momumvo 2030. –Nampa