Victoria Kaapanda
Omukiintu gwomimvo 26 okwa kwatwa koonkondo kaamulumentu yaali sho ya li ya ponokele egumbo uusiku nokuyuga mo iinima yimwe.
Sha ikolela kuuyelele wagandjwa komupopiliko gopolisi moshitopolwa shaShana Thomas Aiyambo okwati, oshiningwanima shoka osha holoka Olyomakaya lopotundi 01h00 momundhingoloko gOkangwena mOndangwa.
Otaku hokololwa omukintu ngoka okwali a kotha pethimbo aafuthi mboka kwali ya ponokele egumbo. Omukiintu ngoka okwali amono aantu ye mukalela nale, omanga gumwe ali athikile temukwata koonkondo.
Aiyambo ta ti, gumwe sho ali a mana okwali a ithana mukwawo, ahiki omwilo, ngoka eya okutsikila okukwata omukiintu ngoka koonkondo natango.
“Aafuthi mboka okwali ya kwata omukiintu ngoka koonkondo omanga yena ombele meke, no yali yemuningile omatilitho kutya ngele okwa kugu otaye mumonitha oshiponga,” ta ti ngaaka.
Opolisi oya ti, omulumentu gumwe okwamangwa omanga gumwe okwali a tondokapo. Opolisi otayi indile moshigwana ngele opena ngoka eshi ngoka alonga iilonga mbyoka a lopotele opolisi yili popepi naye.
– vkaapanda@nepc.com.na