Paulina Ndalikokule
Omukuluntu gwoondholongo nomazulonkalo komufala Raphael Hamunyela okwa ti oya yakula etokolo kutya presidente Nangolo Mbumba ota gandja emanguluo kaanandholongo yev ule po2000.
Hamunyela metseyitho kiikundaneki ohela okwa ti presidente okwa pewa oonkondo kekotampango lyoshilongo ngaashi sha shangwa mokatendo 32 (8) oku gandja edhiminepo noku mangulula aanadholongo oshowo oku yululula ko komageelo gawo. Ta ti momazulonkalo moshilongo omuna aanadholongo yeli 4330 manga ookanguninga omiyonena yeli 1574 yashunithwa moshigwana taya gandja omayakulo moshigwana.
Momazulokankalo ota mu ka mangululwa aanadholongo 313 ta ya pewa edhiminepo manga yeli 1108 mboka ya li ya pewa omageelo gonkalamwenyo mondholongo ta ga kuthwa po.
Maanadholongo mboka ta ya gandja omayakulo moshigwana otamu kamangululwa 709 ta ya dhiminwa po omanga yeli 98 ta ya ka mangululwa komageelo gawo.
Etokolo ndyoka lya presidente olya tulwa miilongo mo21 Maalitsa omuvo nguka.
-ndalikokulep@gmail.com