WINDHOEK Ehangano lyOpashigwana lyUuthemba wOmuntu omasiku ga zi ko olya ulikile iikundaneki yomo-shilongo uumbangi aniwa wu nasha nedhengo lyonyanya nii-huna ya ningilwa aakiintu yaali mOkahao moshitopolwa Omu-sati. Omadhengo ngoka otaku ti-wa oga ningilwa aakiintu yaali momukunda Okahao momasiku 17 Febuluali nokakaseta oka thanekwa kehangano ndika. “Tse itatu kotha nando sigo aa-kaulinyanga mbaka naalongi yiilonga mbika yomonanguwi nomiyonena ya pangulwa,” osho omukuluntuwiliki goNSHR, Phil ya Nangolo ta popi poshigongi shiikundaneki shoka sha gon-galwa koyendji. Pauyelele waPhil ya Nangolo, aadhengi mboka taku tiwa oya longitha ooshokoto, iitago/iiti, ayehe oye li iilyo yOpolisi yoSpecial Field Force, ano Opolisi yaDanger ya zala iikutu yopashigwana, nohaya longele posasiona pomukunda mpoka. Okakaseta otaka ulike iilalo noombinzi komalutu gaa-kiintu mboka ya dhengwa kaahepeki mboka. “Nena otwa hala oku mu ulikila oshowo oshigwana ashihe okakaseta taka ulike eponokelo nomadhengo, ga kwatelwa komeho kiilyo yimwe yOpolisi yaNamibia, unene mboka yoSpecial Field Force ye li miikutu yawo, mboka ya hepeka nayi Rachel Kapolo naNat-shipolo Ageshe mboka taya popilwa uulodhi,” osho Dorkas Filemo omuniilonga pamwe naYa Nangolo ta ti. “Tse otwa kala aluhe neiyuvo kutya opolisi oyi li po okukaleka po oveta nelandulathano, ihe ka-shishi okuhwahwameka eponokelo lyuukolokoshi ngaa-shi tashi monika mokakaseta. Shoka tashi limbilike osho shoka kutya aadhengi yaakiintu mbaka inaya kwatwa po natango. Oshikwawo ewiliko lyopom-banda lyOpolisi yaNamibia inali tseya omahepeko ngaka neyo-nagulo lyomauthemba gaantu,” Ya Nangolo ta ti pethimbo ta ulike okakaseta hoka. (Okakaseta komadhengo ga nyanyaleka oka ulikilwe wo koradio yomu-zizimba yoNBC-TV omasiku ga zi ko). Mokupulwa kutya omol-washike okakaseta opo taka ulikwa ashike omasiku ngoka konima yomwedhi, Ya Nangolo okwa yelitha: “Tse okwa li tatu tala komayamukulo gAapolisi yaNamibia noonkatu dhawo shi nasha nomadhengo ngaka. Aanambelewa yoNSHR otaya pangula nonyanya aapolisi mbaka notaya indile oSpecial Field Force yi hanagulwe po meendelelo omolwekuthom-binga lyawo miikulumuna oyindji moshilongo. “Otatu indile omakonakono gombala moshinima shika. Itatu ke shi etha nando na itatu ke shi mwenena oku shi thikitha mo-makutsi gOmupresidende Hifi-kepunye Pohamba, oshoka tse otwi itula mo okuhulitha po omahepeko gopolisi taga ningilwa aakwashigwana mo-shilongo shika. Aapolisi oyendji ohaya longo iikulumuna mo-shilongo shika pwaa na uutile wokugeelwa paveta. Shika oshi na okuthelwa okalambo. Omu-kalo ngoka iinima yi li nga-shingeyi otashi ulike kutya opolisi ihayi simaneke Eko-tampango lyoshilongo shika,” Ya Nangolo ta ti nokunyana omahe-peko haga ningwa aniwa kaa-polisi moshilongo.