Charles Ndeumane 

Okomisi yomahogololo yaNamibia, Electoral Commission of Namibia (ECN) oya umbu mo aaulikwa yi ithikamena ayehe momusholondondo gwaaulikwa yomahogololo gopaupresidente sho ya ndopa okugwanitha po iipumbiwa. 

Omunambelwa gwomauyelele mo- ECN De Wet Siluka okwa koleke kutya aaulikwa yomahogololo yopaupresidente yi ithikamena ayehe inaya gwanitha po iipumbiwa mboyoka tayi pulwa ku-ECN opo ya taambwe ongaaulikwa yomahogololo. 

“Opu na iipumbiwa mbyoka hayi pulwa ku-ECN opo omuulikwa i ithikamena gwomahogololo gopaupresidente a taambwe a pewe ompito yokukutha ombinga momahogololo. Shimwe shomiipumbiwa shoka sha simana omwaalu gwaayambidhidhi ye li 500 kehe moshitopolwa,”Siluka ta ti. 

Gumwe gwomaaulikwa yiithikamena FransKoolikeokwatikeweteshilipauyuuki ECN e ya tindile ompito yokukutha ombinga momahogololo gopaupresidente oshoka kashi li muuwanawa woshigwana. 

“Aayambidhidhi yetu oyendji mboka ya li ye tu pa oonomola dhowo dhuukalata womahogololo oomba ya li ye na uukalata womahogololo uukulu, opo ECN e ye komunute gwahuguninina ta ti okwa hala ashike tu longithe uukalata womahogololo mboka uupe opo wa ningwa nuumvo. Ine tu pa ethimbo lya gwana,” Koolike ta ti. 

Koolike okwa ti osha kala sha yela okuza petameko kutya ECN ka li a hala okundhidhilika oongundu dhopapolitika oompe nokwe shi ningi oshidhigu lela kwaamboka ya li ya hala okushangitha oongundu dhawo mwa kwatelwa aaulikwa yi ithikamena. 

Aaulikwa yi ithikamena mboka ya tindwa ko-ECN oyo Ally Angula, Jeremia Kaambo, oshowo Elsie Chen. 

-mrndeumaneraycharles@gmail.com