O m u k u l u n t u g w e l o n g o Sanet Steenkamp okwa ti, nonando nuumvo epangelo otali ka gandja oshimaliwa s h o k u y a m b i n d h i n d h a iilongithomwa yosikola, aakuluntu naya kambandhale okuyambindhindha mpoka taya vulu oshoka iimaliwa oyindji ohayi longithwa mokuninga o o k o p i n d h o o m b a p i l a . ‘’Opena iilongitho yimwe kaayimo momusholondondo gwepangelo, ngaashi oondjato, oodikishinali, uushina iilongitho yomwalu noshowo, mbyoka aakuluntu yena okukala ya gwanithapo,’’ ta ti ngaaka.
Ta indile kaakuluntu kutya naya yambindhindhe mpoka taya vulu. Ta gwedhapo ta ti, oshimaliwa oshindji oya ndhindhilike kutya ohashi y i m o k u n i n g a o o k o p i dhoombapila, ya kwatelamo oohinga dheshina. Ta ti, epangelo omvo gwayi okwali lya gandja oomiliona N$100 83 000, mbyoka kwali ya longithwa okuyambindhindha iilongithomwa yosikola. Miimaliwa moka natango okwali mwa zi omayambindhindo galwe gosikola. “Sho twa tegelela etengenekothaneko lyomumvo 2023/2024, epengelo olya kwashilipaleke kutya otalika pititha oshimaliwa shoku yambindhindha ashike iiilongithomwa yosikola,” ta fatulula ngaaka. Ta ti, shoka itashi ti, aakuluntu naya kale ya mwena, ihe naya kwathe mpoka taya vulu. SteenKamp okwati, okuuvite omakemo g a a m b o k a i t a a y a v u l u okugwanithapo iilongithomwa ayihe. Omukuluntu gwelongo moshitopolwa shaShana Hileni Amukana okwa ti, Oshana okwali sha yambindhindhwa noomilliona ne, ndhoka kwali dha topolelwa oosikola. “Otandi kumagidha oosikola ndhoka dha hupithapo oshimaliwa, opo ndhi tsikile okugwanithapo iilongithomwa mbyoka ya hupu okugwanithwapo kaalongwa,’’ t a k u m a g i d h a n g a a k a . Nonanndo tandi indile ngaaka koosikola, aakuluntu nayo naya yambindhindhe mpoka taya vulu. Aakuluntu yamwe oya kala taya nyenyeta kutya oya pewa omisholondondo dhiilongithomwa yosikola yaanona mbyoka itaaya vulu okugwanithapo. Maria Shikongo gomOshakati okwa nyenyeta kutya osikola oya ninga ondilo, shi vulithe sho kwali hayi futwa.
“Omisholondondo omile unene, iinima oyina ondilo. Haatuhe tuna iiyemo yoku gwanithapo ayihe tayi pulwa,’’ ta nyenyeta ngaaka.
V i c t o r i a S h i t a a t a l a gwomolukanda Uupindi okwati, okwatula onkalamwenyo ye moshiponga okukonga oondoha mokati kuusiku okuza 01h00- 02h00 ngele omahala gomanwino ga pata. “Ohandi toola oondoha ndi kalandithe koScrap yard opo ndi mone oshimaliwa shoku landela aanona naatekulu yandje iilongithomwa yosikola, ya pulwa,” ta ti ngaaka. Shitaatala okwa ti, oha vulu oku mona N$100 00 mesiku ngele andandala oondoha dha gwana, esiku ndyoka. Ta ti, okushishi kutya olukanda olwanika oshiponga, ihe kena nkene ena okuninga oshoka ota kongo okuhupitha oyana oshowo okugwanithapo oompumbwe ndhoka.
vkaapanda@nepc.com.na