Moses Magadza

Sylvia Obaga

Sally Ncube

16 Tsēdi surigu-ai-!gao!gaosa ǂkhawadība ǀamǀams ǂgaoǂgao!nâs ra ǀgapi !harosa sī!nâs ǁaeb !nâs ge Faiza Mohameds, direkters ǀGuitikōsiba Nēsi ti a ǂansa Afrikab Beros disa, ai!gû ra ǂgans ǀgôa-!gamaga Afrikab !Khawagas !nâ ǀamǀams disa gere ǀgonǀgon!gao. 

Mohameds gere mîs ge, ǁaupexa di ǀgui!nonaǁî!âb tarekhoedi 20-24 kurin kōse hâde, Aiǂoas tsî !Khawagas Afrikab di !hūgu !nâ 18 kurixa di nîs ai!â ra !game kaihes di dīǀgaub nî noxopa i ge dīhe tama hâ ise nēsi ǁgariǁgarisa ǂâisa ǂnûi-ahesa. 

Ai!âs gere mîs ge ǁaupexa di nē kharib !nâ 50 miljun tarekhoede ǀgôasis !nâ di hâse ge !gameb !nâ ǂgâsa, ǁnāpa-i ra dītsâhe nēsa ǁkhaesa hîa. 

ǁîs ge a mîs ge, !Hūǁaresa ǁAedi Hoa !Hūbaisi ǀGôaron ǂŌǂōsib ǂgaes di ǀgūǁae ge dīge ôa!nâdi ge aoǁguiba dīhâ, hânab nē ǀgôa-!gameba nî ai!gûs kara, aiǂoas tsî !khawagas Afrikab ditsî 22240ǁî kurib kōse nî sīs kara, os 2030 mûǂuib !naka mâ Tani!kharus Omkhâisens ǁGūbade sī!nâsa a ǀuruhe ǁkhāsa. 

“ǀGôa-e !game kais ge !hao!nāsi ǁnaetib ǁhōs guise hî tama hâ, xawe ǀgaisase khoesi ǂhanuga ra tsâkhā tsî ǁkhāti surigu-ai-!gao!gaosa ǂkhawadīb di gaus tsîna ī,” tis ge Mohamedsa gere mî. 

Nē ǂnûiǂgās ‘Equality Now’ ti a ǂansas ge ǀaweǁguiga ūhâ, SADCs Parlements ǀHûs tsî !hūgu di parlementdi ǀkha sîsenǁaresa, nē mâsib nî ǂgaoǀkhāsa ǂâisa ǂnûi-aihe tsî ǀoasasib !nâ ǂhanuse !amǂgāhesa ǁawoǁawos ase. 

“!Âǀhuru-aon ǀkha hâ sîsenǁareb tsî ǁnâuǂharugude ǀgaiǀgais tsî ǁî!nāpe ǁāǁāgus ge kaisa a ǂhâbasa. 

ǀGôa-e !game kais di !khams !nâ !gâi!gâba sī!nâs ge, parlements di ǁanin, ǂhanuga ra ǁgui tsî !amǂgā khoen, !hao!nāsi ǂgaeǂgui-aon tsî ǀhûhâsiga ra khâiba ǂnûiǂgādi tsîn hoana ǀguipa ǂhâba hâ,” tis ge Mohamedsa gere ǁgâi!gâ. 

ǁÎs ge ǂgansa gere dī, SADCs Model ǂHanub hîas ge ǀAriǂuis ǀGôa!gamebas tsî ǀGôan hîa ǀnai nēti ī !gmegu !nâ hân di ǁKhaubas ai a dīsa sîsentsoatsoa kai tsî hâ a ǀnai ǂhanugu gôa!gameb diga ǀguiǀgui hoa ǁani !hūgu !nâ.