Sîsenao-i xa xoahe hâ
Nēb ge ║aeb !gâi!gâisens diba tin ge ra mîba da. Nēb ge ║nā -║aeb ornamendn, ׀apa tsî !am anixūn, ׀hai׀urib ׀ûba ūhâ ׀urirodi, !kharaga ׀ûga ūhâ !nâdi tsî noxopa ׀nîn diba. ║Khātib ge a ║ae Santasi ra ║îb ׀khaexūn ║garuba apa hâse, “Ho ho ho, !Gâi!gâxa !Khūb!naes.” ti mîba. ║Aupexan ge !nāsa ׀ammi di khoen hîa “Xriste║î” ti ra ╪gaisenn hoana nē ║aeb !gâia╪gaob dib !nâ !â tsî ║în tsîna ║khā tawedes, “!Gâi!gâxa !Khūb!naes ti hâsa ra sîsenū. Nausa da nē mîde hoa !hūb a ╪habase ra ║nâu ka ║nâu ka sîsenū, xawe i ge ║aupexa ׀guis ti ra mîhe khoe-i tsîna tare-e-i ║nā mîdi ׀kha ra ╪âibasenhesa a mî ║oa. ║Nā-amagas ge nē !âsa ║nā mîs di !uru ╪âibasens tsî ║uib ║îs !nâ ║goeba ra ╪oaxa-ū ╪gao.
Ama Xriste║î-i ge ║î-i am║gaukha xu ra ╪oaxa mîs hoasa nî ôa!nâ ╪gao, Jesub ra Mateub 12:36-37 !nâ mî amaga, “O ta ra mîba du, mâ ║au mî-i hoa-i, khoen ga gowa hâ-i xa in nî !ereamsa māsa ׀gora!gâtsēb ai. Sa mîde xuts kom nî ╪hanu-ai kaiheo, tsî sa mîde xuts kom nî ׀axarexūheo.” Nēsi da ge hoa xristesi ║naetigu, !hao!nāsi ║naetigu, ╪gomdi, anixūn !Khūb!naes ╪namipe hân hîa ge ׀orosen gere dīhepa xu Roomse Katolike Kerkheb xa ūhe tsî a ׀asa׀asa!nâhena xūmai tsî ama ╪âibasens ║nā mîdi, “!Gâi!gâxa !Khūb!naes!” ti hâdi dis ai ╪âisa ra ╪nûi.
“!Gâi!gâxa” mîs ge supuse a mî!āhe ║khā. ║îs ge ׀guis khami ī ╪noa!oa-i tsîn ose !gâia╪gao, khoakhoasen tsî supu ╪gaoxase hâ, ti ׀gui ra mî. ║Nā mîs “!gâi!gâxas” ge âib tsî ║khoaxasib ║nā ║aeb dib ׀kha ra ׀gau. Kaise a ׀hapio mîs ge tsî ׀hapiose ra sîsenūhesa xawes ge, ra !gom!gâxatsoatsoa “!Khūb!naes” ti hâ mîs ׀khas ga sîsen׀haoūhe o. Nēpa da ge !gâise nî ║nâu!ā, ╪gui khoen ge nē mîs ra Xristub di !naes ti ╪âibasen ti ╪âi hâ xawes ge ║îs di xoa!gā!gāsa !gōsase, “Xristub di ║ōb” xa ra !gû. Sao ra !urude sîsenūs !nâ-ū ta ge nēs !nâ -║goe amaba nî ╪gom╪gom du, !Hūbaib ╪Khanis !Nae!khain dis, Katolike !Nae!khain ╪Khanis tsî Mass in Slow Motion hâde xu.
Hanats nî satsa ╪hau!nâ tsî amaba ra aimâi Xriste-îs kara, o toxopa khomai!kharu re tsîts nî ti ī tama is kara ots ge nēpa ׀nai a khomai׀û ║khā.
!Khūb!naes ge Namibiab !nâ kai !gâia╪gaob tsî turab ׀kha ra tsēdīhe. !Khūb!naes kaitsēdi ge Namibiab !nâ ׀Asa Kurib tsēskōse ra tsēdīhe, !nāsases Xriste║în xa ra !khōdanahese.
!Khūb!naes ge ║khāti ║îs hoadi xa a ╪oa╪amsa sâ║aeb ase ra !gawa׀îhe gaxu sâ-║aega ūhâ tsîn ge ׀gôana ║îna !gâiba tsîn turaba ū!nâ hâ ║axasin ׀kha ra ׀hawe׀hawesen. ║Khātib ge nēba a ║ae ║îb ain ׀gôana ║în ūhâ !ereamde omdi tawa ra dī׀oa׀oaba, ║în ║gûn tamas ka i o mâba║gûna omaridi ai ╪khari sîsengu ׀kha huis !nâ-ū. ║NÆ ׀gaub ais ge !Khūb!naes tsîna kai ╪âibasens ׀kha Namibiab !nâ ra tsēdīhe. ║Naetib asen ║îna !nâuse tsî xawe ║naetisase Namibiab kaitsēdi !nâ ra dīhes ge kerkhe !oabade ūhâsa !Khūb!naes, kurib ׀uniga tsēs tsî ׀asa kurib di ╪guro tsēs tsîn aisa. Nē ║naetigu ra hâ ai tsēdi ge ║-îdi tsîn Namibiab !nâ ra tsēdīhe tsēdi !nâ ra ║nā tsî ║nāti ║Khâ╪khanib ais tsîna a ║gausa. ╪Gui !gôab Namibia║în ge nē tsēdi ║âudigu !nâ turaxase ra am!nâxa.
׀Gui !khais hîas ║îsa ra mâ╪oas ge, Namibiab !nâs tsîna i ge ║khāti nau !hūgu !nâ i īs xase, kaise a ׀gamsa kaitsēdi ║aeb !nâ. Khoen ge ׀gaisase ׀nanub hāsa ra ׀goreba. Hanab ׀nanuba kaitsēdi ║-aeb !nâ nî hās kara, ob ge ║nāba ׀ō-aisa ׀khaeb hîa Eloba xu hâb ase ra !gawa׀îhe. kaise îxa ║aeba. Hoa ║ama╪harugu!khaigu, mâtikōseb a kai tamas ka i o a ╪khariro xaweb ge ra anihe kaise îxa ׀gaub !nâ tsî hoa ║an╪gāsabena kai xū-i !goaxa ║khoab di!âubasens !nâ ra hâ kai. !Gae-audon tsî nauâ audohân tsîn ge ׀nî ║aega ra anihe. Khoen ׀khan ge -în !Khūb!naes ║Gûb ti ׀gui ta a ╪an ║nā -aeb !nâ khoeb gawadi ׀kha ra hâma. !Gâi!gâisendi ge ׀Hō╪gaeb ׀ams ai tsoatsoa tsî ׀asa kurib !nâ ra !khoe╪gâ. Kai!ādi tsî ╪khari!ādi on ge ║goe-oa tama hâ tsî ra ani╪uisen kaitsēdi ║aegu !nâ. Khoen ge ║în di !nae ׀kharigu tsî !garo!ādi ║ga ra mâ╪uisen, naun huribammi ║ga ra !khai-ôa hîa. ׀Aokhoen hîa Duits!hūba xu !hui hân ge !Khūb!naesa ׀Khaeb tsēs, 24 Hôasoreb dis ai ra tsēdī, nau Namibia-║în ra 25 Hôasoreb dis ai tsēdī hîa. Santab ge ׀khaega ׀gôarona ra ׀gora╪ui, Haidi ge ra anihe tsî ׀khaexūna haidi !naga ra ╪nûihe mâ omaris khoe-i hoa-i !aroma a xoa-aisase. !Hao!nāsi ╪ûn ge mâ omaris hoas xa -în turab !oagu ra ai╪homihe tsî !nāsase sao rana ra !khō╪gā, ani-i, hāgū║gan-i, ׀apa ║gan-i tamas ka i o ║au-e. !Khai╪khoneb tsî !khoab on ge nî hâs ge ╪ûn tsî āxūn ║aegu. Tsampereb on ge ║ara╪uisa tama hâ. !Garo!ā׀kharigu !nân ge khoena !nāsase ║în !hao!nāsi ╪ûna ra ai╪homi. ║Nā-amaga Namibiaba sari nē kaitsēdi ║aeb !nâ î ׀uruhe ║oa ║khoaba hā tsâ.