Victoria Kaapanda
ONGWEDIVA-Amazonkies okwa tokola okutaamba ko Desemba noku mu laleka nokavideo hoka a thaneke oku ka pititha mesiku 1 lyaDesemba nuumvo, pehala lyomayinyanyudho tali ithanwa Grand Pub mOngwediva .
Amazonkies ota ka pititha okavideo kongalo yedhina Wakanda pamwe naahikingalo yakwawo ngashi Potpher,Banger Drums oshowo Dj Goera okuza po 7 yokomatango sigo nake mu faalele.
Ongalo ndjoka Wakanda oya imbwa oyo ayike, ashike oya towala noonkondo. Oyendji otaya shanga komalungula nkene okangalo take ya teya noku ya nyanyudha.
Amazonkies okangundu kaamati ye li yatatu mboka haya imbi oongalo dhoKwaito oshowo gumwe ngoka e ya kwatela komeho , Thomas Kanime ‘Chicks”, “Sakaria Elago ”Sacky Boss”, Martin Muunda “Dicks” , Tuhafeni Haimbodi “Twa-Twa”.
“Otwa tamekele oku imba mo2010, nonando kakwa li twa pititha ongalo thimbo ndoka ashike otwa kala noku imba. Otwa kala nokuhika oongalo dhetu nande inadhi ya koostudio, unene mondoolopa yaNgwediva, mpoka twa zi tu na omukumo kutya otatu vulu oku imba nokuya po noongalo dhetu yene”. Amazonkies ta ti ngaaka.
Amazonkies ta ti okwiimba hako ashike, ihe ohaya vulu okugandja omatumwalaka taga tungu kuunona wosikola okupitila moongalo dhawo ngele taya hiki oongalo kosikola dhi ili nodhi ili ngele dhi na omayinyanyudho.
Taya gwedha po kutya oye na wo oshinakugwanithwa shoka ya totopo yoyene shoku iyamba oku opaleka omahala ga kaka, ngaashi oosikola nosho tuu.
Esiku ndyoka otali ka teya aakadhona yomodolopa yaNgwediva oshowo yoondoolopa dhilwe mboka taya ka thika siku ndyoka oshoka otaku ka kala omathano goshali taga ka thanekwa koRacio Media Group, ostudio yomathano ndjoka oyo dhingi mokuthaneka monooli ayihe.
Ngoka ta ka kala a hala okuya komalangula, ointaneta opo tayi ka kala yoshali nakehe gumwe okwa tegelelwa koAmazonkies ye a tsakaneke Desemba nenyanyu.
Ngoka a hala uuyelele wa gwedhwa po na dhenge 081 3834 866 / 081 4244 309