Lahja Nashuuta
Ongwediva- Aanongononi yomishangwa, naakwapolitika oya gandja uusama komupresidente wa America shono kwali a gwayele mo Venezuela noku kwata po Omupresidente Nicolas Maduro opamwe nomukulunkadhi ngwe ngono kwali wo omutse gwaagandji mayele mepangelo yoshilongo shoka Cilia Flores.
Maduro na nekulu lye otaku hokololwa ya kwatwa po ombambyona kwa homatiwa kaakwaita ya Amelica moshilandopangelo Caracas moshilongo shaVenezuela uusiku woku pendukila Olyomakaya nokufalwa kondjedhililo yili ko New York moAmerica hono kwali ye na okuholoka mopangu ohela.
Pamishangwa okuzilila ko America, Maduro ota tamanekelwa okulongela kumwe noku kwatakanitha aalandithi yiingangamithi okufala moAmerica.
Taku tseyithwa wo kutya moshikonga shekwatopo kwa homatiwa omwa li mwa sile aanambelewa ya thika po milongo nhee.
Omunongononi ngwikwapolitika , nomakwatathano pokati komapangelo mo Namibia Ben Mulongeni moonkundathana naKundana okwali atsu omuthindo nokugandja ombendhi kOmupresidente Dornald Trump kutya okwa limi onkudhu oshoka pa veta yiiwana ya hangana ano o United Nation , ka pena nande omuleli ena uuthemba okuya koshilongo oshikwawo noku kwatapo ombandjona ngono eli omutse woshilongo shoka.
“Ekwate po lyombambyona olili kondje yokatendo 2 (1) yekotamango liigwana hangano. Omushangwa ngoka otangu popi kutya kapena nando oshilongo sha pitikwa oku lwitha oshilongo oshi kwawo nenge okuponokela nokukutha mo omaliko gaantu koonkondo” Mulongeni ta yelitha ngaaka.
Mulongeni ta tsikile nokufafanitha eekwatopo lyOmupresidente Maduro kwahomatika koshi kumungu kwali wo sha ningwa kOmupresidente Vladimir Putin shono sha li sha ningilwa o Ukraine monvula dha piti.
“Venezuela oshilongo oshiyamba moozo ndho mahooli muuyuni auhe, na America okwali nokuli eshi holola ethimbo ta popitha iikundaneki kutya ngashingeyi oye ta ka kala ta ungaunga nomahooli” Mulongeni ta tsu omudhindo.
Ta indile nduno iilongo ayihe muuyuni opo yi imange uupandi kumwe noku ngandja uukwawo wa nankali koshilongo shoka.
Ta zi mokalungu moshipumungu shika, ngono kwali nale oshilyo shegumbo lyo pashiwana Maximiliant Katjimune okwali wo a yelelitha kutya America kena oonkondo okutula miipandeko nenge oku longitha oonkondo miilongo yilwe shinene komupelesidente ngeno natango eli koshipundi nenge okuya olunyala mepangelo lyiilongo yilwe..
Ta tsikileko wo kutya, oveta ndjono ta yi vulu okutula omupelesidente miipandeko oku pitila owala mopangu ndjono hayi ithana oInternational Criminal Court (ICC) kohi yokatendo hoka Rome Statute.
lnashuuta@nepc.com.na
