Tjimuna omukesare Augustus tja ningirire kutja auhe nga yaruke kotjihuro tje arire ke keritjangisa, Otjiuru tjOmavarero ma ningire omuture auhe mOnamibia kutja Osondaha ndi, oro ndi mari tjiukwa otjouṱuku womavarero, ma rare pe rarera kutja Omandaha ma varerwe pa rara nu pu pe ri pe rarera.
Mena rokutja Otjiru tjOmavarero, Alex Shimuafeni, ma tja ongurova ndjo auhe ma sokurarera pe rarera poo pe turira kohapo. Mu nao otji ma zemburukisa kangamwa auhe nokumuningira okurara pe rara ouṱuku wa Sondaha pe tjire Omandaha.
Tjinga Osondaha otje ri eyuva nda kwizikwa otjouṱuku womavarero kOmavarero wOrukwato nOmaha wo-2023 mOnamibia.
Ka ngamwa oma pura ongondoroka nomavarero, ouṱuku womavarero ombu ma u rire ondimwa yomahandjauriro kangamwa ngu maye hepwa. “Kangamwa auhe ouṱuku wa-24 ku Ndengaṋi ngu ri mehi orupa rwomavarero, kutja Omunamibia poo owomahi wozonganda.
Mu nao okutja tji matu woronganisa ovivarero vyorukwato, mu vyo tu yenene okuhaṋa otjivarero tjovature vomahi wozonganda,” Shimuafeni ma tja nao.
Ma tja ohepero youṱuku womavarero okupenga auhe okuvarwa tuvari mu nao otji ma toko Ovanamibia ongurova ndjo okurara pu mave zeri okuvarerwa.
“Zemburuka okurara poyoye tji ye ri 24 ku Ndengaṋi, nu arikana kondja okurara pu wa tye okuvarerwa,” me riyarikaṋa nao.
NAMPA