Opolifi moshitukulwa shaHangwena oya tula Hendrina Ponhofi Dilaadileni Kambudu, oo eli omunambelewa kouministeli woukashike kookanhu, nonghalamwenyo yokaana, konima eshi vati elikufila oimaliwa moshikefa shepangelo, no ku landa eshina lokutwa komukunda wavo.
Moimaliwa oyo yali ya nuninwa ovakwanaluhepo tava lumbu neemhumbwe oshoyo omaluhepo elili noku li li, Kambudu vati okwa kufamo o N$ 31 500, yoku denga ongeshefa yaye.
Oku dilila kouyelele wadja komupopiliko wo Anti Coruption Maria Matundu okwa ti, Kambudu vati okwa longifa edina lamumwaina moku kufa oimaliwa ei, mopoloyeka oyo ya li ya ninunwa oku kwafa ovakwashiwana mo 2007/2008.
“Kambudu eshi vati alanda eshi lokutwa, okwa kala ta denge nalo vati ongeshefa yaye komukunda Onangolo moshitukulwa shaHangwena moshikandjohoololo shEpembe,” ta ti.
Omufeekelwa ou vati okwa tulilwe moipandeko mo 19 January 2026, mekwatafano noshibofa shi nasha noku longifa omaliko epangelo mouwa waye mwene, no shi he li paveta.
Kambudu vati eshi aka holoka momhangu oshikando shaye shi tivali, okwa pewa elifutilemo lo N$ 10 0000, noshibofa shaye osha undulilwa ko 9 Maalisa 2026.
Matundu okwa to o Anti Coruption Comision okwe li pakamo nokuninga omapekaapeko enasha noilingilingi moshilongo, oshoyo oilonga meembelwa depangelo, uheli paveta opo va kalekepo elandulafano moshilongo.
Oshibofa kutya oshaningwa eedula daka pita, oshina oku monika ashike noku shikulwa, nomufeekelwa okuna okulya oyiimati yoilonga yaye ashike.
