Lipiho za cwale libonisa kuli kuzwelela liñolisa la sicaba halitateka la 3 Mbuwana, nombolo yezwelapili kunanuha yabayahi banaha Namibia ba ba swanela kuiñolisa yelikana 536 202 baiñolisize kuli babe baketi kutisa la 22 Mbuwana 2024. Nombolo yeo ingelezi ni ba ba iñolisize kwanda naha babato likana sikiti. “Naha izibiswa kuli liñolisa za sicaba lizwelapili mwanaha kaufela ni kwanda naha haisi la 1 Muimunene 2024, Lamubulo kuisa Lapelekelo kuzwa 08h00 kuisa 19h00,” nekubulezi muzamaisi yomuhulu mwalitaba za liketisa Petrus Shaama.
Nasusuelize ba ba sika iñolisa kale kueza cwalo kapilipili. Lipiho za cwale libonisa kuli nombolo ya basali babali mwatasa lilimo ze 35 ki 58 886, mi baana ki 59 811. Basali ba ba fitelela 35 ki 101 373, mi baana ki 98 243. Katengo kakabona za liketisa kakupile babanca kuli baiñolise kuli bakone kubota la 27 Njimwana. Palo yanaha Namibia haifitelezi bolule babalalu, mi 70 % yabona haili yababanca.
Mwa kweli ya Njmwana unumwaha tukuluho yanaha Namiba ika beiwa fasikala, haiba ni liketisa za butokwa kuzwa silimo sa 1989. Mwasilimo sale baketi babalikana 700 000, neba sebelisize swanelo yabona kakubota kone kutisize kuli Swapo iwine mi Mueteleli wapili Sam Nujoma kambama fasitulo sesi tuna mwanaha. Lipiho za cwale kuzwelela katengo ka ECN libonisa kuhula kwanombolo yababa kona kubota, ili babafitelela lule (1.3 million).
Lipiho libonisa kuli nombolo ya bane baile kwa kubota mwa liketisa za ndu ya milao ni mueteleli wanaha nekutezi fafasi kuzwa mwa 97% kasilimo sa 1989, kutaha fa 61% kasilimo sa 2019. Za milonga ni milonganyana nekutezi fafasi kuzwa fa 81% ni 82%, mwasilimo sa 1992, kutisa fa 38% ni 43% kasilimo sa 2020.