Mapokola nebatamile babanyazwa babalalu kakuloba mulao obona zamilyani wabu 13 wasilimo sa 2003, kasamulaho akufumaniwa ni mapilusi akusulula mulwalo. Sibuabui wasikiliti sa Khomas Silas Shipandeni, naize babanyazwa bababeli bane babonahalile mwakhuta viki yefelile Labutanu, nebailo tamiwa kwasibaka sa City Centre, mwa Wernhill Park, mwa Windoko Labulalu.
Bababeli Elizabeth Haingura walilimo ze 22 ni Collin Zimmer walilimo ze 30, nebafumanwi ni mapilusi abizwa Cytotec ateko yelikana N$3 200.
Wabulalu Shanice Vivienne Sande walilimo ze 26, yatalimana ni milatu yeswana, natamilwe ni yena Labune. Mapokola nebamufumani ni mapilusi amabeli aCytotec ateko yelikana N$600. Kaufela nebahanezwi kutomelwa mali akulibelela muzeko wabona kwande.