Independent Patriots for Change (IPC) kansela Philllipus Balhao kavamutengwidire kukara asi mukuro godoropa zaLuderitz. Kuna kara nye munona gwendi gombunga zaSWAPO, Josephine Heita. 

Balhao yimo ana kutanta nokugava magano noyiturapo mokuvatera vadinakntu kumwe nokuvatera vanangesefagona, nokutara asi uhuyungire wovatungimo vetu kuna kuzuvha. 

Munapolitika kahundilire vature elikwamo lyokutura magano gawo mosirugana nokutara eyi vatura moyirugana. 

‘’ Ose twatara asi ngapi natuvhura kuwapukurura ekonomi lyetu, kuwapukurura mavango getu gomatungo, nokuwapukurura mukaro gwetu ogu gwatutura kumwe ngo nkarapamwe. 

Nye rugendo rwetu kapisi yipo naruhagera apa. Mousili eli etateko, yimo ana kuyididilika ngoso. 

Age katente asi doropa ngesi kuna kara nomagano gomape aga vana hara kuretesapo. ‘’ Ose tuna kara asi natukaretesapo magano gokulisiga siga, mokutulisapo yirugana, nokutwara ekonomi lyetu komeho, yimo ana kuyihuyunga nomukumo.

 Mukurona gokuhova paepangero modoropa zina nokutanta asi awo navaretesapo nonkambadaro dokureta ekuliko nokutara nsitwe, nokutara hena asi vatungimo navenye vahepa kuvatekura kuhetakanena. 

Balhao katente asi awo vanalituramo mokuruganena muhoko nagunye, omu navenye navalizuvha asi kuna kuvapa  eyi yavawapera vantu vetu. 

Vakansela vakara mo ntambali kuna kara nye ngesi, Benjamen McKay gwaPDM, munasipundi gokomiteiye zegendeso, kumwe naAnne-Marie Hartzenberg gwaLPM, ntani Louise Batromeus IPC, vana kara nye asi mokomitiye zegendeso. 

Silyo saSWAPO, Johannes Abraham ntani Brigitte Fredericks awo kuna kara nye asi vakansela tupu mondango. 

-sklukowski@nepc.com.na