BUPILO sebu tatafezi kwa bayahi ba sioli sa Impalila baba tabela kulekisa limela za bona za njimo zeba kutula ni kulekiseza mwa tolopo ya Katima Mulilo.
Impalila ki sioli sesi fumaneha libima ze mwanda kaze mashumi a ketalizoho (150) mwa mutulo wa tolopo ya Katima Mulilo hala linuka ze cwale ka Zambezi ni Chobe.
Bayahi kapa bona bolyaminzi ba sioli ba tabela kulekisa limela, miselo ni miloho ya bona yeba kutula mwa masimu-nyana (gardens) a bona mwa tolopo ya Katima mulilo ili kuli ba kone kubeya sico ba tafule.
Sina bun`ata bwa mikwakwa ye liba kwa sioli, mwa nako ya cwale hai sa apesizwe ki mezi a munda ni litaka, bayahi ba kona feela kuitusisa linzila za mwa naha Botswana ka kuitusisa tolopo ya Kasane ni kupunyuha ka nzila ya Trans Caprivi highway ka museto wa Ngoma.
Kakuya ka muina situlo wa katengo ka Impalila Farmers’ Association, mutompehi Godfrey Bainga, nzila ye ya kusebelisa Kasane se tatafezi ahulu kwa bayahi ni kuba tiseza lisitataliso ze shelana kakuli ba swanela kulifa pene ye likana N$120 ya kuli ba kone kufumana mapampili a kuitusisa museto wa naha yani.
Mapampili a putako a, a swanela kulifelwa hape kasamulaho wa likweli ze silezi feela.
Kakuya ka Bainga, litifo ze kukopanya ni pene ya nzila za tula ahulu ka kuekeza kuli, han`ata maofisa ba naha Botswana ba tokwanga litifo ya miloho ya njimo kaufeela ye fita ka museto wa bona.
Ki ka zona lisitataliso ze, bayahi ba Impalila hase ba kupile mubuso wa naha ye kuli u kone kuikambota ni mubuso wa naha Botswana ili kuli sisitataliso se, si konwe kulilimaniswa ka nzila ya kuli bayahi ba linaha ze peli ze, ba kone kono ikamaela feela mutakafululele kusina litifo.
Tuma pampili nyana twa swalele netu konilwe kuhatiswa hala naha Namibia ni Zambia ni kulumelela bayahi ba linaha ze peli ze kuli bano kona kueza pisinisi kusina litifo za n`ambekelo.
Ze ni halili cwana, sioli sa Impalila ki sesi kutulanga hande miselo ni miloho ye bonahala ni kufita mwa sikiliti sa Caprivi.
Mi kalona libaka le, bayahi ba sioli ba kona feela kulekiseza kwa musika wa mwa tolopo mi ka zona lisitataliso ze yemi cwale ze, pisinisi hai zamai hande mi seba kupile mubuso kuli u kone kubapala sanda tuna ili kuli lisitataliso ze li konwe kulilimaniswa.
Sisitaliso se sin`wi sene si kilwe sa tumuswa ki bayahi ba sioli ki sa lifolofolo za nahen`I ze canga ni kuhatakela limela za bona. Hala lifolofolo zene tumusizwe, bayahi neba supile likubu, litou ni linali kuba ze kataza ahulu.
Nihaike sioli si apesizwe ki minzi ye mashumi a ketalizoho (50), sina ni libaka za pukelezo ya lifolofolo mi kacwalo “lindwa za mukowa” hala bo Kamunu ni lifolofolo seli pahami ni kufita mwa mazazi a cwale. Mwa kweli ye felile, ba