WINDOKO – Hala kutalima linanga leli taselize sicaba, Liluko la Masheleñi nelizibahalize viki yefelile kuli balimi habana kulifiswa habaleka lika zeimulula batu haiba kuna ni linanga. Likwambuyu wa Masheleñi Calle Schlettwein mwaliñusa lahae kubamakande naize buiketelo nebu ezizwe hala nako yetata yalinanga yene izibahalizwe kimueteleli wanaha Hage Geingob mwakweli ya Kandao unumwaha. Naize lico zalikomu halina kulifelwa mutelo hali lekiwa kwanda naha. Naize kalulo yakusalifa mutelo iama feela mutu alimuñwi, balimi, nibalimi balipisinisi kapa mwamahae mwalikiliti kaufela babaleka kuli basebelise isi babato lekisa hape. “Baluwi balintolo nibale babaleka libyana zeo kuli bato lekisa kalulo yeo haiba ami,” nabulezi. Schlettwein naize kuli babasike balifa baswanela kufa mañolo apaka kuli kibalimi babazibwa kitutengo twabalimi. Nabulezi hape kuli baleki baswanela kuzibisa liluko mazazi amalalu pili zebalekile lisikafita kale kwamuseto. Naize kusalifa mutelo hakungeleli libyana zalipisinisi, mi naize kalulo yeo ikafela nako yetata haikafela.