Muatuli swalelele mwa Khuta ye Pahami Petrus Unengu Lamubulo nafile likoto kubasupile bane basialezi mwamuzeko wabukwenuheli, lillimo zemwahala zeketalizoho kuisa kuze lishumi kazesilezi. Neba fumanwi mulatu wabukwenuheli, kuloba mulao obona zakuleka litobolo ni kuloba mulao obona zakuzwa nikukena mwanaha.
Muatuli nalengile Progress Kenyoka Munuma lilimo zelishumi kazesilezi, ili ze 26 kakutala, mi zelishumi likungulezwi kwatuko kalilimo liketalizoho hala mulatu wabukwenuheli, lilimo liketalizoho hala mulatu obona zakuluwa litobolo, ni silimo silisiñwi hala mulatu obona zakuzwa ni kukena mwanaha. Nalaezi kuli likoto zeo lizamaelele.
Hala Shine Samulandela Samulandela, Alex Sinjaba Makendano, Frederick Isaka Ntambilwa, Hoster Simasiku Ntombo and John Mazila Tembwe, nabalengile lilimo zemashumi amabeli hala mulatu wabukwenuheli, mi zelobapeli ikungulezwi kwatuko kalilimo liketalizoho, lilimo liketalizoho hala mulatu obona zakuluwa litobolo ni silisiñwi hala mulatu obona zakuzwa ni kukena mwanaha. Nalaezi hape kuli likoto zeo lizamaelele.
Nalengile Manuel Manepelo Makendano, ili yo nabizize kuba mutusi, lilimo zelishumi zabukwenuheli, mi liketalizoho likungulezwi kwatuko kalilimo liketalizoho, ni lilimo liketalizoho hala mulatu obona zakuluwa litobolo mi nalaezi kuli likoto lizamaelele.
“Kanako yakuzeka, hakuna hala babanyazwa yana bonisize kuipona mafosisa hala likezo zabona zene baezize kwa bayahi banaha kabona bane balatehezwi kibupilo bwa bona mwa sikiliti sale, mwatasezo yene ezizwe kwa batu bane basina mulatu,” nekubulezi muatuli swalelele Unengu.
Naize taba isupeza fokusweu kuli babanyazwa neli libulai, bane basika itukiseza kukena mwangambolo ni mubuso ofilwe kamaiso, kono nebaiketezi kulwana kuli bafumane zene babata. Naize nihaike mwataba yeñwi muatuli ukona kusupeza sishemo, fokuñwi kuna ni litaba teñi sishemo hasikoni kubeleka bakeñisa butuna bwa taba mwameeto asicaba. Naize natalimile nako yeo babanyazwa nebali mwa sitokisi, kono tiyeho yeo nesi feela kalibaka la bazekisi ba mubuso. Kakuli maikuto bao banyazwa hane bali bakibayahi banaha Namibia kono Caprivi niona natisize tiyeho mwakuli taba ifele.
Bao banyazwa nebafumanwi mulatu kakubata kukeyula sikiliti sa Caprivi, Zambezi kachenu, kwanaha Namibia mwa kweli ya Muyana 1999 kakulwana. Neba taselize liofesi za mubuso zecwale ka kambe ya masole, liteshini zamapokola ni ofesi ya NBC.
Nebali mwasitokisi kuzwelela haba tamiwa mwa 2002 ni 2003, ili lilimo ze 21 ni 22. Neba yemelwa ki Ilse Aggenbach ni Jorg Neves, mi mubuso no yemelwa ki Lourens Campher.