KATIMA MULILO – Bayahi banaha Zambia bababeli neba kunupilwe ki Mapokla Lamubulo, hane balika kubanda kutamiwa kwa Sangwali mwasikiliti sa Zambezi. Bababeli babihiwa kuli neba uzwelize bapoti kwasibaka sa silelezo ya lifolofolo sa Nkasa Rupara. Sibuabui wasipokola mwasikiliti Kisco Sitali nanyatezi taba yeo. 

“Nelufumani piho kuli nekubile nikutuba mi libyana neli uzwizwe. Kimaino ana ni matente, kacwalo libangoki neli pumile tente nikukena mwahali kuuzwa. Bana ba Zambia bababeli neba bonwi babata motikala mabapa nikone kutubilwe,” nekubulezi Sitali.

Mapokola baeza museco, mi motikala haito yema bakala kuiseca, babakulubelwa habalemuhiwa, kihabalika kubaleha, yomuñwi akunupwa kwaliutu. Naisizwe kwasipatela sa Katima Mulilo. Yomuñwi nakonile kubaleha, kono nailo tamiwa lizazi leli swana amano yo fumaniwa aipatile mwasitungu kwa Sangwali. Babakulubelwa ki Simulation Liswaniso (28) ni Nyambe Matemwa (38). Sitali naize zene uzwizwe ili Litino, makamera ni mafoni nelifumanwi nikukutisezwa kwabañi bazona.