Gaborone –Botswana kuna kupitisira veta ezi zina kara asi vakahagekesepo elikwamo eli lyokusana, nokutanta asi udigu kuna kara wounene kuhamena egendeso lyombunga ezi zokusana moAfrica. Mbunga zaBotswana kwakara nombunga zawo avatumbura asi Botswana Wildlife Producers Association (BWPA) pausu[I, kavatente asi veta zantani zepangero omu navawapukurura veta zokusama kuna kumoneka asi zina kara veta zongwa omu navatekura yikorama yawo nomu navavatera vantu vatunga konomukunda doponze zodoropa omu vakara asi awo kuparuka unene kosafari zokusana. Epangero lyaBrtaniye katameko tupu lyokwedi oku kalitente asi egano lyawo kuna kara asi vahepa kuhagekesapo elikwamo eli lyokuyasana ponze zosirongo, omu vana kuyimona asi simwe sokukuga yikorama yawo, unene vahepa kukara noveta zina kusilika yangesi. Nampili ngomu yina kara asi Botswana kapi arandesa unene yikorama yendi ponze zosirongo unene koUK, kuna kumoneka asi udigu una wiza morwa nsene yirongo nayinye nayiruganesa ngendeseso zangesi hawe udigu una wiza nye. Eli evango limwe lyakara asi kugwedako ko BWP4.5 zono biliyuna, omu vakutu vantu wokusika ko 3000,’’ yimo ana kutanta Leonard Matenje, munasipundi gwaBWPA siruwio oso kakasikere asi sokulipa magano noyirongo yaAfika yokombindakano kumwe novanambudi moune kaupwire.
Kugusapo elikwamo eli lyokusana, kuna kurata nye udigu unene kwaUK, morwa ngendeseso kapi nazikara zina yuka zokusana moyirongo yimwe unene yomaparambo.
Nokutanta asi epangero lyaMasisi ngesi vana tengwidirepo elikwamo lyokusana, morwa kuna kara nye asi elikwamo lyokuvatera unene vantu. “Kusana kugavako Yuma kovantu owo nye vakara asi kevango olyo avasana yikorama eyi,’’ yimo ana kutanta Matenje. Ministera goukunginsitwe gwaBotswana Dumezweni Meshack Mthimkhulu katente asi eparu lyovaAfrica ava vakara asi nawo kusana kuna kumoneka asi navagwana mauwa gomanene apa nye navapitisa veta ezi. “Ngepangero, ose kuna kara nosinka kuhamena ekuliko koyiha youtokero, morwa yiwizamo yovantu vatunga oko vaBatswana ntani ngomuhoko, nagunye, yimo ana kutanta. Mtimkhulu katente asi awo kavagwanekerere kumwe noyirongo ngwendi Namibia, South Africa, Zambia, ntani Zimbabwe vatare asi ngapi navagwana nompito peke, yipo asi veta ezi zovasini ntani unsitwe zize mosirugana. ‘’ Udigu nye ou nagwanekera nawo Botswana ngesi nayiguma yirongo ngwendi Namibia, Zambia, Zimbabwe ntani yimwe ngoso. Nayinye oyo yirongo yokombindakano zaAfrica nayivaguma unene yimo ana kutanta Ministera. Botswana hamutjanga gona gokukarereramo goministeli ozo Cyril Taolo kayinkondopekere asi Botswana kuna kara nomukaro gomuwa unene kupitira nye kekungoso nsitwe. Ose kwatudiva unene omu atukungu yikorama yetu, nye twahepa kuyizuvha asi elikwamo lyangesi kwatunda kovakwetu ava vadivireko Yuma ,’’ yimo ana kutanta. Age katente asi yokukunga yikorama yetu, kapi yina kara asi kuyiruganena mawoko woko ose kuyikunga tupopere sirongo setu nokuvatera nye vantu vetu paeparu ntani ekonomi lyosirongo. Botswana kwasidiva asi sirongosakara moAfrica novanzovhu wovanzi ava vapitakana sivaro sokusika ko 50 000. –psiririka@nepc.com.na