Sîsenao-i xa xoahe hâ

BW Kudus ge National Petroleum Corporations Namibiab dis (Namcor) ǀkha !hûǁare hâse, ǁkhāǁkhāsens !aroma hâ mâxōǀkhāsa mās di proxramma ge khoraǂui. Nē proxrammi ge ǂkhawusa ǁgâu-aride xu ra ǂoaxa studentn Physically Active Youth (PAY) di mûǂams !naka hâna ǂkhâ!nâs !aroma hâ. 

PAYs ge ǂanǂansa marikurus ai hâ tama ǂnûiǂgās hîa ǂkhawusa ǀgôan Katuturas dina hui!nâs ai hâ ǁgūbasa ra ûiǂuisa. Namcors ǀkha hâ !hûǁares ge PAYs hîa 2023ǁ-î kurib !nâ nē sîsenni ǀkha ge ǁnāǂgōs tsî ǁgau!nâs !nâ ǀomkhâis !ēsa ǂkhawusa khao!hūga xu ra ǂoaxa studentna mās ai !gaoǁgui hâ. 

ǂOa ge kurib !nâ ra ge BW Kudus tsî Namcors hâra ǀgam studentra PAYs dira ǁ-khāǁ-khāsens marisihuiba ge mā. Nē studentra ǁkhāti mâǂoa ra ai!gûsa ǁîra ǁkhāǁkhāsens !nâ ǂoa ge kurib !nâ ge ǁ-gau tsî nēsi ǀgamǁî kurib !nâ ǁîra ǁkhāǁkhāsendi ǀkha hâse. 

Nē îxa ai!gûsas ge mû os ge PAYsa BW Kudusa ge ǂgan, noxopa ǀnîkhamikō !gôab di studentna nē proxrammi !nâ ūǂgās !aroma. BW Kudus ge nē ǂgans ai oe-am tsî Namcors mâxōǀkhas ǀkha nē marisihuiba ge khoraǂui. Nē kurib !nâs ge marisihuiba nî hō studentn !gôaba hakas kōse ge ǂharo tsîs ge mâtikō kurigu ǁaeban nî huihesa !nona kurigu kōse go ǀarohe. 

“BW Kudus tsî Namcors hâra ge hoaǁae ǁîra ǀguixasiba ra ǁgau PAYsa mâxōǀkhās !nâ, nē !oaǂui hâ studentna kaise a ǂhâbasa ǁkhāǁkhāsens !ēde mās !nâ. 

Nē !hûǁares ge BW Kudus tsî Namcors hâra ǀguixasib ǀhûhâsib ai hâ !ereamxasiba dīǀoaǀoas dib ai ǀgui hâ tama hâ, xawe !gâi sîsenǂuib !hûǁaresa sîsengu ǁgau!nâs omkhâisens ai ūhâgu tsîna ra ǁgauǂui,” ti-i ge ǂhôamāǂui-i !nâ gere khomaihe. BW Kudus di !hūǂnû-ǁkhaebas aiǂnû-aob, Klaus Endreseni  ge ge mî, Namcors tsî BW Kudus hâra îxa mûǂuib tsî ǁkhoreba ūhâsa nē huib ǀkha ai!gûsa.