Eenguhudana

Oshikumungu shevakulo ledu la ningwa mOmaruru mexulilo shivike vati ola xwaxwamekwa kopolotika.

Kakukutu komatanga opolifi Inspector General Joseph Shikongo okwa pula oshiwana shi longele kumwe nopolifi mokukondjifa oumbudi wokuvakela ovadjaidjai moshilongo vehe na omikanda depitikilo.

Opolifi oya lopotelwa ovanhu vafika puvaheyali veli kufa eemwenyo momikalo dayooloka.

Ovanaudu tava kongo omayakulo opaunamiti pokapangelo keli polwaamba loshipangelo shinene mOshakati otava nyenyeta kombinga yomayakulo oo vati a nyika pange apa.

Ovadali vahapu ovo ve na ounona tai i mOndodo 8 meefikola dokonooli, ova lulilwa koshinima shounona tava ningilwa oukonaakono keefikola, osho tashi eta ounona vavo vaka kale kalekelwa meefikola donhumba odo da talika ko ihadi piti nawa.

Omukulukadi nomona, oshoyo omulumenhu nomukainhu waye ova xulifa mexuliloshivike eshi va kwatwa koluvadi moiningwanima ivali ya yooloka.   

Ofikola Oshamukweni Combined School onghee nga tai twikile nokupewa omakwafo.Oshivike shaadja ko, pofikola opo opa yeululwa pambelewa ongulumambo oyo ya tungwa kehangano loFootstep for Africa.

Omulumenhu weedula 23 ou a ninga omafiku ta kongwa kopolifi shaashi vati ta tyakaleke mokukwata ounona voukadona onghonga, heva enda konima osho a kwatwa po.

Nonande onghalamwenyo ya djuupala ngeenge tashi ya koshimaliwa, omunafikola teli hongele ouinginia koshiputudilo shopombada shoNust, ota longo a tula ombuda moshixwa, ta longifa oshitalendi shaye opo e li futile elihongo laye.  

Oshikukuta mumwe nenota momukunda Amaupa mOmusati vati onghee ngaho tashi pula komesho.