Eenguhudana

BEIJING-Ookadhimamulilo yeli 18 nomutonateli gwokuti gumwe oyasi eso li nyanyaleka omanga yali taya lwitha omundilo gwepeya mokuti kuumbugantuninginino waChina, osho sha lopotwa kepangelo lyoshilongo shoka metayali lyoshiwike shika.

ONGWEDIVA-Omunangeshefa asimana monooli gwedhina Erastus “Chicco” Shapumba okwa gandja egumbo lyopokathimbo oku kwathela pethimbo ndika lyomukithi goCovid-19.

Sho aalandi oyendji ya li ya nyenyeta kombinga yongeshefa yimwe yomoDurban oya li ya eta opo opo mwnene gwongesshefa  a kwatwe po naaniilonga 14 ya hupithwe mboka ya li ya patelwa mefaktoli noya li ya thiminikwa ya ninge omamask uule womasiku gahamano..

Omupresidente Hage Geingob okwa londodha oominista pamwe  naapeha yawo ya kale ya ilongekidhila okukwatha oshigwana oshoka okwa hala epangelo tali longo nokugwanitha po oompumbwe dhaakwashigwana mboka ya tula eyinekelo muyo.

ONGWEDIVA-Aakalimo yomolukanda Onawa, mboka ya li ya tembudhwa kEemwandi moshitopolwa shaShakati omumvo gwa yi oya pewa oonzapo dhuuthemba, okukwalishilipaleka kutya omahala ngoka ogawo, kOmuprima gwoshilongo Saara Kuugongelwa-Amadhila. 

ONGWEDIVA- Aafuthi oya yaka oondhalate dholusheno dhongushu yi vule pomilliona N$15 dhehangano lyomalusheno Nored, notaku tiwa otadhi vulu oku eta oshiponga oshinene miitopolwa.

GROOTFONTEIN - Omupolisi omunamimvo 32 ngoka ta tamanekelwa oshipotha shonkambadhala yokuyaka po epeko lyoshipotha komukayulinyanga kooN$ 2 500 okwa li li a holoka mompangu yaMangestalata yaGrootfontein mEtine.

ONANKE-Kansela gwoshikandjohogololo shUukwiyu Uushona Andreas Amundjindi okwa kunkulile aakalimo yomoshikandjohololo she ya kotokele opate ndjoka taye yi fala kOndangwa oshoka oya nika oshiponga sho ya yonagulwa komvula omasiku ga zi ko.

Omugundjuka Albertina Ndeshipanda Kassanga (26) okwa gana ganithilwa miilonga onga oshilyo shElelo lyondoolopa yaNdangwa ,ta kalele po ongudu yompilamena  Popular Democratic Movement (PDM) mOndangwa ongula yOmaandaha.

ONGWEDIVA-Omunangeshefa Omunamibia gwehangano lyedhina Beyond  Horizon Investment cc, Ndali Nenkavu oshowo omwiimbi gomayimbilo gopambepo, ota ka dhewula kehe ongundulwiimbo yi na ehalo oku ka kutha ombinga momathigathano taga ka kala ko 25-26 April nuumvo.