Eenguhudana

Ompangulilo yaMangestalata gwaNdangwa, oya kaleke mondhologo omukulupe gwomulumentu gwomimvo 74, ta tamanekelwa ekwatokoonkondo lyokanona komukiintu gwe komimvo 10.

Oradio yopambepo yoChannel 7 Etine lya zi ko oya tyapula nokudhimbulukwa evalo lyayo sho ya gwanitha omimvo 19.

Aakalimo yomomikunda dha yooloka miitopolwa yokonooli oya ti nonando oyendji kaye na iiyemo iishana otayi ya yambidhidha niiyelelwa oshowo oothilinga.

Omalongo nomadheulo ga pewa aanambelewa yokugandja omauyelele mepangelo nomalelo goondoolopa nogopaitopolwa otaga hulu nena.

Opolisi moshitopolwa Oshikoto Etitatu oya manga po aafekelwa yaali, sho ya li ya adhika noshipa shongaka shongushu yoN$50 000. Omukuluntu gwopolisi moshitopolwa shaShikoto Teopoline-Kalompo Nashikaku okwa lombwele Kundana ta ti aalumentu ye li yaali oya li ya mangwa po sho kwa li ya lopotwa kutya oya humbata oshipa shongaka.

Opolisi moshitopolwa shaShikoto oya ndhindhilike i i p o t h a y o m a k w a t o koonkondo tayi indjipala, ihe olundji ohayi ningilwa aanona aashona omolwa kaape na esiloshimpwiyu lyaakuluntu lya gwana. 

O m u n a f a a l a m a g w o o n d j u h w a moshitopolwa shaShana o k w a ku m a g i d h a aanyasha ya nyangadhale konima yeyilongo lyawo, peha lyokukuutumba momagumbo.

Nonando epangelo lyaNamibia lya popi kutya konima yomimvo 33 dhemanguluko olya longo oshindji, aagundjuka yamwe oye li ompinge nomupopyo ngoka omanga yamwe taya tsu kumwe nagwo.

Aanafaalama yiimuna oyendji monooli oya tembukile kombinga yuumbugantu woshitopolwa shaShana, taya kongo uulithilo wiimuna yawo, omolwondjala oshowo enota lya etwa komvula inaayi loka.