OMUTHIYA – Osikola yopaumwene moKatima Mulilo oya kaleka manga elongo lyoshipala noshipala sha landula sho gumwe gwomaalongwa yondondo onti-3 a lopotwa kutya okwa li mekwatathano nomuniilonga guuhaku ngoka a monika omukithi gwocoronavirus. Momushangwapitithi ngoka gwa li gwa gandjwa mOmaandaha kosikola yedhina Mavuluma Adventist Primary Private School, gwa pitithwa komukuluntusikola George Nchindo, ogwa li gwa tseyithile...
ONGWEIVA – David Nghiwilepo gwomomukunda Iikango mOngwediva ota nyenyeta kutya ehangano lyomalusheno Nored itali gwanithapo iilonga yalyo ngaashi lya gana. “Ondi na oopala dhomalusheno oshowo iikwamashina yomalusheno ya ninga oomwedhi dha pita pundatu dha tentekwa megumbo lyandje kaanilonga yaNored. Ondi na uumbanda kutya ngele iinima mbyoka oya ka yonagulwa kaafuthi omanga yi li megumbo lyandje...
La Paz – Opolisi yaBolivia ohela oya li ya popi kutya oya pondola okukutha omidhimba dhaantu momapandaanda nomomagumbo dhi vule po 400 muule womasiku gatano, moka oopelesenda 85 kwa itaalwa kutya odha li dhi na omukithi gwocoronavirus. Omidhimba dhi li po 191 odha li dha adhika moshitopolwa shaCochabamba amuke okuza momasiku 15-20 Juli, no 141...
Kano – Aalumentu ya homata iifufuta ye li koomota muumbangalantu waNigeria oya dhipaga aantu 11, aaleli yopashitopolwa taya ti ngaaka mEtitatu, momakuyunguto omape. Iiponokela mbika mOmaandaha oye ya ashike konima sho ya li ya dhipaga aantu 18 pohango pomukunda gwopopepi. Aalumentu mbaka ya homata sigo okomayego oya li ya ponokele omukunda gwedhina Gora Gan moKaduna...
Mexico City – Mexico mEtiyali okwa li a pitilile omaso gaantu 40 000 komukithi gwocoronavirus ngoka gwa iteyela moshilongo shoka, shoka osho oshilongo oshitine momaso ngaka notashi longo nuudhigu okukeelela omukithi nguka. Olopota yesiku oya li ya lopota kutya omwaalu gwomaso ngashiingeyi ogwa londa gwa ya po40 400 komukithi, konima sho aantu 915 ya li...
ONGWEDIVA – Opolisi moshitopolwa shaHangwena oya manga po omulumentu gwomimvo 29, ngoka a dhipaga yinagona nokuhahala omushiinda nomakatana momukunda Omunyekadi-Ondobe. Otaku hokololwa kutya omulumentu ngoka okwa li a tondoka po konima yoshiningwanima shika, nokwa ka adhika kopolisi komukunda Onamahoka ohela komatango. Ota ku hokololwa nakuninga omuyonena nguka kutya oku na uunkundi womomutse, ano omuntu gwandohotola. ...
Khartoum – Omupresidente omukulu gwaSudan Omar al-Bashir, ngoka a li a umbwa ko koshipundi kaantu mboka ya hala uundemokoli omumvo gwa yi, okwa li a pangulwa mEtiyali shi na sha neumbe ko lyepangelo koshipundi ndyoka lya li olyo lye mu ningi president oomvula 30 dha ya. Bashir, 76, otashi vulika a ka tulwe kohake ngele...
ONGWEDIVA – Moshitopolwa shaMusati omwa monika omuntu gumwe e na omukithi gwoCovid-19. Oshipotha shoka osho shotango moshitopolwa shaMusati sho omunamimvo 29 a li a zi kOmbaye momasiku 12 Juli, nokwa kala a ikalekelwa mOutapi. Omukuluntu gwoshikando shuundjolowele moshitopolwa shaMusati Alfons Amoomo okwa ti omukithi ngoka nkene gwa ponekele moshilongo oshitopolwa shika opo tashi lopota oshipotha...
OTJIWARONGO– Uupulakata mboka wu li utatu wu na edhina lyondjayi yiita yaNdowishi Lothar von Trotha, owa li wa hanagulwa po oshiwike shika mOtiwarongo. Epandaanda ndika lyuule woometa 840 lyi li moExtension 5 olya li lya lukwa Von Throta manga Namibia inaa manguluka. Aantu oyendji inaya kala yu uvitile edhina ndika nawa oshoka von Trotha oye...
Rome – Opolisi yaItaly melongelokumwe nopolisi yaSwitzerland oya manga po aafekelwa 75 moshikonga shoka shi li ompinge ‘noNdrangheta’, oomafia ndhoka hadhi longele muuzilo waItaly, noya kwata ko iinima yongushu yooEuro oomiliona 169. Oshikonga shika sha ningwa kiilongo mbika iyali osha li shi na aapolisi 700 kombinga yaItaly, osho opolisi yi na sha noshimaliwa moItaly ya...