National

WINDHOEK-Nonando aahikingalo oyendji oye li taya hedha kokule oku eta po nokuwiimba oongalo dhoHip-hop moshilongo, omuwiimbi gwedhina D-Jay oku li a ndjika oonyala mevi, nokwa ti ye ota tsikile nokwiimba oongalo dhe dhoHip-hop, nelalakano lyokugalula omulyo gwoongalo dhoHip-hop mehangano lyoongalo. 

WINDHOEK-Miss Rose, okakadhona hoka haka imbi oongalo dhoRnB noAfro Pop kedhina pakuudha Rosalia Shikulo oka tseyitha kutya oalbuma ye ndjoka opo ya li ya piti muDesemba yedhina Ohole Yandje otayi landitha ya fa uuleke.

OSHAKATI - Omukuluntu gwosasiyona yopolisi mOgongo Iria Mbundu Nangombe okwa li a kumagidha aakalimo yomomukunda Ogongo moshitopolwa shaMusati ya kale ya lungama ngele taya ende uusiku oshoka omu na oondongi tayi monitha aakwashigwana oshiponga.

ONGWEDIVA-Justine Mandume a yambukile momukunda Onawa moshitopolwa shaShana okwa yemata kokufutila mo iimuna ye okuza koshigunda shelelo lyondoolopa yaNgwediva, hoka ya edhililwa notayi sile ko ondjala.

WINDHOEK-Meya gwondoolopa yaWindheok omusamane Muesee Kazapua okwa holola omadhilaadhilo kutya napu ningwe omapekaapeko gomuule opo ku talike kutya oshike naanaa tashikokitha omwaalu gwoombushu momahala ngoka gaa li pambelewa moshilandopangelo.

ONIIPA-Aakalimo yomondoolopa yaNiipa moshitopolwa shaShikoto nomikunda dhopuushinda oya kugu onkugo opo ya kwathelwe okuyambidhidhwa noshitaasi momudhingoloko gwawo oshoka otaya hepekwa kongundu yaanyasha tayi ithanwa Amaguruguru ndjoka ya tsikile oku ya yuga iinima yawo noku ya dhenga.

Lüderitz – Kansela woshikandjohoololwa sha!Nami#nus Jan Scholtz okwa indila oikondo aishe yepangengalo naayo yopaumwene moshikandjohoololwa shaye I longele kumwe, nelalakano opo oshikandjohoololwa shi dule okuyambuka po nokuhuma komesho.

Lüderitz – Omunangeshefa wopetameko Maano Mwapopi ota tumbula kutya opo omunhu a dule okufikamifa po ongeshefa, otashi pula elitulemo, nomunhu oku na okukala e na ohokwe mwaasho a tokola okulonga ile okulandifa mongeshefa oyo a hala okufikamifa po, opo i dule oku mu etala sha shomondjato. 

ONGWEDIVA-Omulumentu Omunamibia okwa a holoka mompangulilo yaMangestalata mOshikango konima sho a mangwa po kopolisi Omaandaha goshiwike shika.

WINDHOEK –Omupresidente gwoshilongo Hage Geingob okwa lombwele elelo lyondoolopa yaWindhoek kutya omahala ngoka kage li pambelewa ga ze po nomukalo ngoka tagu kandulapo onkalo yawo.