Silozi

Mubusisi wasikiliti sa Zambezi Lawrence Sampofu ulumbile bayahi basikiliti sa Zambezi kaku eza hande mwalitaba zakulwanisa ketululo yamushobo, kono ufile mamela hala maikuto akubata kupuma sikiliti.

Mueteleli wakopano ya Popular Democratic Movement (PDM) McHenry Venaani ufitisize pilaelo yahae kuamana ni kalabelo yamubuso kwabutata bwamandu, mi uli muuso hakuna ze ueza.

Sikolo sa lituto zepahami sa Stadio mwanaha Namibia nesifile mishukwe kwabaituti viki yefelile Lamubulo. Baituti babalikana 300 nebafilwe mishukwe nikufumana mapampili ashelashelana.

Mapokola basweli kubatisisa taba yakupata kupepwa, kasamulaho akufumana limbututu zepeli zeshwile zekulubelwa kuba mambile kwamayumbelo a Kupferbern mwamuleneñi wa Windoko.

Malonda walilimo zemashumi amane kazene ubihiwa kuli nalumilwe kilinja liketalizoho hanali mwanzila kuliba kwandu Lasunda, natimezi kwasipatela sa mubuso sa Oshakati, mwana ilo lobazwa.

Mungendenge wakubala batu hautateka kachenu, sikiliti sa Zambezi si itukiselize kubona kuli batu kaufela babaliwa.

Mualafi yabona zakubukeleza makete Nelson Andimba uelelize bayahi banaha Namibia kuambuka kuca nama yakulube yesika buzwa, kakuli ikona kutisa butata.

Nihaike kueziwanga katata kuli bana banaha Namibia babali kwande ‘naha baitenge mwaliketisa kanako yaliketisa, lipatisiso halikolwisi kuli babaliwe mwanako ya sipalo.

Mueteleli Hage Geingob ususuelize bayahi banaha Namibia kubapala kalulo yabona mwasilimo sa “Zusuluso”, nikuba nikabelo nikuswalisana mwa mungendenge wa Naha wa 2023 wa Kubala Batu ni Mandu. 

Ali anosi aitamile sitenge inze atapisa litino mwanuka ya Lyambai, Queen Lilungwe walilimo zemashumi amabeli uikabela likande la musizana yapepilwe nikuhulisezwa kwamukulela wanuka.