Silozi

Muzamaisi walitaba zaliñolisa mwalikolo la mabasi Collens Muleke, ubulela kuli makadi abuizibahazo alikana 44 000, asabulukilwe kwalikolo bakeñisa kuli bañi baona habasikayo anga. Naize kibutata bobutuna likolo litalimana nibona.

Balimi ba mbonyi mwasikiliti sa Zambezi babulela kuli Habana kuzwafa kulwanela kulifiwa masheleñi abona alikana N$700 000, abakolotiwa kikampani yefumaneha mwasikiliti yebakanya mbonyi.

Yene ilil Mubakweli Likwambuyu wa Misebezi ni Linzila James Sankwasa ukupile baituti kwasikolo sa Sikosinyana, bukaufi ni Katima Mulilo kucinca mikwa yabona haiba inge babata kueza hande mwa lituto zabona. 

RUNDU – Bayahi Basilalanda sa Kavango ya Upa balwanela kuli mulao ozamaisa lifolofolo utalimwe sinca, ili kuli liswanelo zabatu libukelezwe. Bayahi babulela kuli mulao wacwale ubukeleza lifolofolo kufita batu.

Muuna yana pila mwakomponi ya Macaravani ya Upa mwa Katima Mulilo, natomezwi lilimo zemashumi amalalu viki yefelile Labutanu, ki Muatuli wa Khuta yepahami Petrus Damaseb, kwa kuina kwa Khuta Yepahami swalelele mwa Katima Mulilo.

Mubuleli wakeleke ya Pentekositi kwamunzi wa Onheilwa, Shalongo Haimbodi ukulubelwa kuli usweli kufumbela kukunupa baba munyaza.

Likwambuyu walitaba zamabasi Albert Kawana ususuelize balipisinisi, kubona museto okwaluzwi cwalecwale wa Katima Mulilo kusebeza lihola zamashumi amabeli kazene, kuba kolo yalitaba zalipisinisi ni litekisano.

Mueteleli wa Sikwata sa Tutengo twa Likiliti, Warden Simushi ulakaza kuli mulao olibelezwi otalima zamasheleñi akutisa zwelopili mwalilalanda, one usulilwe mwandu ya milao lilimo zelobapeli zefelile ukandekiwe.

Musali yana tamilwe Lasunda viki yefelile kakunata mwanahae walilimo zesilezi, nahanezwi kulibelela muzeko wahae kwande, hane abonahalile mwa Khuta ya Katutura Lamubulo.

Bucwala bwa tombo ni macwala amañwi ahalifisizwe azibihala hahulu inge kachasu, abonahala kutisa kulyanga mwasikiliti sa Zambezi. Buñata bwa bashemi babonahala kuli habasakona kuina basanwi bucwala, ili taba yebahapeleza kusiya mandu abona kamapakela nikuyo kuta malungasiku, kusina yababalela banababona.