Silozi

Musali ya itwezi nabile ni bundume kupulusa mwana ‘hae walilimo zene mwa mitahali ya kwena, kwa nuka ya Kavango, kwa munzi wa Divava, mwa silalanda sa Mukwe Labulalu viki yefelile.

Likolo la Lipeleko Silikani ni Likampani ni Tahiso ya Misebezi neli felize mungendenge wa teñi wakuziba milao ya lipeleko, mi mafelelezo neli mwasikiliti sa Zambezi Labubeli.

Katengo ka sikiliti sa Zambezi kakabona zabutata kakupile lineulo za matente, lico, mamatiresi, macansi asileleza kuli mutu asike atiba, minshini ya ma lonji ni mafula, mulyani wakusabisa linoha, lipatela za swalelele, mashili hamoho cwalo ni milyani yakutapisa limbuzi ni tulimbalimba. 

Likolo la kulikanelela kwabaana ni basali, kufelisa bunjebwe ni pabalelo ya sicaba neli tambekile lisebeliso zelikana N$77 000, kutusa balipisnisinyana kufumana masheleñi mwasikiliti sa Zambezi viki yefelile. 

Basizana babane neba bitelezwi viki yefelile mwalikezo zeshelana. Mwanana neli walilimo zesupile mi yomuhulu neli walilimo zelishumi kazeketalizoho.

Katengo kakabona zamitelo ya mikwakwa (RFA) kakeni mwatumelelano ni katengo katolopo ya Katima Mulilo, kulukisa mikwakwa ya Sam Nujoma ni Hage Geingob mwa tolopo.

Nihaike muunda utisa butata mwasikiliti sa Zambezi, buñata bwa bayahi, sihulu mandui, ba unga kuba nako yende ya kuyamba. Muunda utaha nako yeo kuhanisa kuyamba neku liuluzwi la 1 Liatamanyi 2023, kasamulaho akukwala la 1 Ñulule 2022 kulumelela litapi kuzwala. Kukwaliwa kwa bundui neku imela hamoho cwalo ni basali babalekisa litapi mwa musika. Sikiliti sa Zambezi kilihae la mifuta ya litapi yelika

Patisiso iezizwe mwa silalanda sa Kabbe sesi katazwa hahulu kimuunda kunyatisisa balimi bane basinyelizwe kimuunda. Katengo kakabona za butata ni lisinyehelo kaswalisano ni likolo la makete ni likolo la tuto nekangile musipili waviki mukatumbi, kono piho haisika lukiswa kale.