Silozi

Baima bataselizwe kisilami kwasipatela sa mubuso sa Onandjokwe, mi babañwi bakulile malaria ni limbelenge.

Yana beleka mwasipokola sesi ketahani ili yanyaziwa kamulatu wakubitelela bashimani, kuba tepa, nikulekisa maswaniso amatapa famakepe, uka yema kuli aikalabele mwakwlei ya Muyana hala milatu yanyazwa kayona.

Muyemeli wasilalanda sa Kabbe ya Mutulo Bernard Sisamu, ubulela kuli bakeñisa muunda ni kutokwa pula hakusikaba nikutulo yende.

Kamuleo wakubata kufukuza likomano hala batu ni lihahabe, kwamukulela walinuka mwalikiliti zefumaneha mutuloupa ili Kavango ya Wiko, Upa ni Zambezi, likolo la silalanda lika beya famusika likwena zemashumi amane.

Busholi bwa likomu buzwelapili mwasikiliti sa Zambezi, mi cwanuñu muyemeli wasilalanda sa Kabbe ya Mutulo Bernard sisamu nauzwelizwe litole zelishumi kazepeli.

Baituti mwasilalanda sa Kabbe ili sesi tibiswa kimezi amuunda, baba nyandile nako yetelele kuzamaya misipili yemitelele kuya kwasikolo, kapa kulobala mwalibuma zakuikahela, cwanuñu baka imululwa muyaho wamaino omunca osweli kuyahiwa ha ukafela. August 26 neketilwe kuyaha muyaho wamasheleñi alikana bolule ba N$92, kasamulaho kampani yapili ifulalela purojekiti mwakweli ya Muyana 2016, imano lifiwa

Likolo la lizibiso katuso yakatengo ka AU-EU Digital Hub, neli bile ni lituto za mazazi amabeli mwasikiliti sa Zambezi, teñi batu bamashumi akatalizoho nebafumani lituto kuamana ni zwelopili yalifasi lelinca.

Kamaiso ya ofesi yebona zakuhasanya mulilo wamagesi mwanaha Namibia (NamPower), neiketezi kuzwelapili kukwala mulilo wamagesi kone kukalile Lamubulo kwalitolopo zena ni likoloti. 

Anatolila Petrus walilimo ze 29 ni Rauha Pinhas walilimo ze 33, neba hanezwi kulibelela muzeko wabona kwande, hane babonahalile lapili mwakhuta ya sikiliti sa Oshakati Labune.

Muinasipula wakatengo kasikiliti sa Zambezi ili yana ketilwe hape Matengu Simushi, nasusuelize bayemeli kayena bakatengo kasikiliti kuambuka kuitwanisa ni kundongwama kuzwisezapata sikiliti.