Kubonahala inge hakuna bukamuso bobunde, balimi balikomu mwasikiliti sa Zambezi habazwelapili kulatehelwa kilimunanu zabona kwamalengwami balikomu, ili buñata bwabona basimuluha mwanaha Zambia, mi basila isi kamulao kuto uzwa likomu mwanaha Namibia.
Silozi
Kopano ya IPC inyaza kutubwa kwamandu mwa Katima
Kopano ya Independent Patriots for Change inyazize hahulu taba yakutuba mandu kikatengo katolopo, kene kafumani taelo yezwelela kwakhuta kuli kazwise bayahi bane babupile komponi ya Lwayaha isi kamulao.
Miyoko yabuba katengo hakatuba mandu
Mushemi wamusali walikwasha yana ni bana babane nasiyezi akubukanya bupilo bwahae niku olela libyana zahae Labune, kasamulaho akuwisiwa kwandu yahae, nako katengo katolopo ya Katima Mulilo katuba mandu mwakomponi yanaikahela ya Lwanyanda.
Bane batamilwe kanako yakutuba mandu balukululwa
Babane hala baketalizoho bane batamilwe Labune, kanako yeo katengo kalopo nekatuba mandu kwakomponi yanaikahela ya Lwanyanda, nebalukuluzwi Labutanu hane babonahezi mwakhuta yasikiliti ya Katima Mulilo.
Muuna waipiha kasamulaho akubulaya mufumahali
Muyahi wasikiliti sa Zambezi naipihile kwamapokola, kasamulaho akukulubelwa kuli nabulaile mufumahali wahae kakusebelisa tipa ya Okapi, kwamunzi waShungu mwasilalanda sa Kongola
Bane batimezi kwa Impalila bazibahazwa
Lubasi kuzwelela naha Germany ni mufufisi kuzwelela naha South Africa, neba zibahalizwe kimapokola kuba bane batimezi mwakuwa kwafulai mwasioli sa Impalila musihali waLabubeli.
Khuta ilaela kuli tumelelano ya Mwiya icafazwe
Yomuhulu waofesi yebona zalipapali mwanaha Namibia (NSC) Freddy Mwiya, viki yefelile natuzi likwambuyu walipapali Agnes Tjongarero, kasamulaho Khuta Yepahami nelaezi kuli tumelelano yamusebezi wahae iekezwe kalilimo liketalizoho.
Batuli bakomoki yamutende bafumana kamuhelo yabundwalume
Nyakalalo nebonahalile mwamakululu aKatima Mulilo ni sikiliti kaufela sa Zambezi Lamubulo, kasamulaho akukuta kwasikwata sa mbola ya mautu sene situzi mwakomoki ya mutende waNamibian ya 2022.
Sipatela silimbiwa lifu la mbututu
Musali yana latehezwi kimbututu yahae nakonyana kasamulaho akupuluha kwasipatelanyana sa Onesi mwasikiliti sa Omusati, ubulela kuli kutokwa pabalelo kwabaoki nekutisize lifu la mbututu.
Muuna washwa mwakozi yambongolo
Muuna walilimo zemashumi amalalu kazetalu, natimezi kasamulaho akuwa fambongolo yana kwezi Labubeli kanako 11h00, kwamunzi waSikarosompo mwasikiliti sa Kavango ya Wiko.