Bayahi ba Katima Mulilo ya matakanyani bafitisize lipilaelo za bona kuamana ni tiyeho ya kuyaha mukwakwa wa Bukalo-Muyako-Ibbu-Ngoma. Sicaba se si bilaela sene si cauzi viki yefelile, sibilaela kuli mukwakwa one basepisizwe lilimo zelishumi zefelile usiala usika yahiwa.
Yomuhulu wa litolongo mwa naha Zambia Fredrick Chilukutu ulumbile Kamaiso ya Tolongo Ya Windoko, nalumbile sihulu mapantiti moba pilela ni babeleki ba litolongo, hamoho cwalo ni milelo yebelekiswa kukutiseza mapantiti mwa mayemo amande.
Mutayi wa likolo la makete mwa sikiliti sa Zambezi no tabezi lizazi la makete amazoho kwa sipatela sa Katima Mulilo Labutanu.
Sikiliti sa Zambezi nesilaelize muzamaisi wa likolo la tuto mwa sikiliti sa Zambezi ya pumuzi fa musebezi Josty Kawana Labubeli.
Mihato ya likolo la silalanda kubona kuli litau hali zamayi mukafululele ibonahala kusa sebeza.
Lipiho zefitelela 6000 za butuku bwa malaria libihilwe mwahala Sope ni Lyatamanyi unumwaha, likwambuyu wa makete Kalumbi Shangula napatuluzi.
Baana basupile ba ba siyezi mwakunyaziwa kakubata kupuma sikiliti sa Caprivi kwanaha Namibia mwa silimo sa 1999, bana ni kulibelela likweli zeñwi zepeli kuli ba utwe katulo ya bona.
Batu balishumi neba timezi mwalikozi za fa mukwakwa kwamafelo aviki amukiti wa paseka. Mwa nako yeswana ñohola, ofesi yebona za likozi za fa mukwakwa (MVA) nebihile likozi zemashumi amalalu kazeketalizo, mone kutimezi ba ketalizoho ni kuholofala ba 106.
Balimi mwa sikiliti sa Zambezi balumbile likezo za muuso kakulika katata kumbweshafaza bupilo bwa batu ka bulimi. Njimo ki musumo omutuna mwa Zambezi mi buñata bwa batu baitengile mwa likezo za njmo kufumana masheleñi.